उमरी येथील बेपत्ता तरुणाचा मृतदेह आढळला

body-of-missing-youth-from-umri-found तालुयातील पोहरादेवी परिसरातील सेवालाल नगर येथील नवीन प्लॉटिंगजवळ एका २५ वर्षीय तरुणाचा मृतदेह आढळून आल्याने परिसरात खळबळ उडाली आहे. मृत तरुणाची ओळख उमरी बुद्रुक येथील रवी रमेश राठोड अशी करण्यात आली आहे. मृतदेहाची अवस्था पाहता वन्यप्राण्यांनी शरीराचे नुकसान केले असावे, अशी शयता फिर्यादीत व्यक्त करण्यात आली आहे.

 

 

 

याबाबत मिळालेल्या फिर्यादीनुसार, ८ ऑटोबरच्या रात्रीपासून रवी राठोड घरी परतला नव्हता. त्यानंतर ९ ऑटोबर रोजी सकाळी सुमारे ८ वाजण्याच्या सुमारास त्याच्या नातेवाइकांना मोबाईलद्वारे मृतदेह आढळल्याची माहिती मिळाली. माहिती मिळताच नातेवाइकांनी घटनास्थळी धाव घेतली.वसंतनगर ते सिंगद कडे जाणार्‍या मार्गावरील, अक्षरा वाईन बारच्या मागील बाजूस सुमारे ५०० मीटर अंतरावर सेवालाल नगरातील नवीन प्लॉटिंग परिसरात हा मृतदेह आढळल्याचे फिर्यादीत नमूद आहे. मृतदेहाची अवस्था गंभीर असल्याने परिसरात चिंतेचे वातावरण निर्माण झाले आहे.

 

 

घटनेची माहिती मिळाल्यानंतर मानोरा पोलिसांनी घटनास्थळी जाऊन पंचनामा केला. याप्रकरणी मृताच्या नातेवाइकाने पोलिसांकडे फिर्याद दिली असून, मृत्यूचे नेमके कारण आणि घटनेमागील परिस्थिती तपासातून स्पष्ट होणार आहे. तरुणाचा मृत्यू नेमका कोणत्या परिस्थितीत झाला, याबाबत अधिकृत निष्कर्ष अद्याप स्पष्ट झालेला नाही. वन्यप्राण्यांच्या हल्ल्यामुळे मृत्यू झाला की मृत्यूनंतर शरीराचे नुकसान झाले, याबाबत अधिकृत माहिती उपलब्ध नाही. पोलिसांच्या पुढील तपासातून या घटनेतील वस्तुस्थिती स्पष्ट होण्याची अपेक्षा आहे.