वाऱ्याचा कहर! चिमुरडीसह दोघांचा मृत्यू
Total Views |
फिरोजाबाद
firozabad उत्तर प्रदेशातील फिरोजाबाद जिल्ह्यात जोरदार वादळामुळे भीषण दुर्घटना घडली. जसराना परिसरातील चनारी गावात एका घरावर बसविण्यात आलेले सोलर पॅनेल कोसळल्याने आठ वर्षांच्या चिमुरडीसह दोघांचा मृत्यू झाला, तर अन्य तीन जण गंभीर जखमी झाले. शुक्रवारी घडलेल्या या घटनेमुळे गावात शोककळा पसरली असून, मृतांच्या कुटुंबीयांवर दुःखाचा डोंगर कोसळला आहे.
पोलिसांनी दिलेल्या माहितीनुसार, शुक्रवारी चनारी गावात अचानक जोरदार वादळ आले. या वादळी वाऱ्यामुळे घराच्या छतावर बसविण्यात आलेले सोलर पॅनेल खाली कोसळले. या दुर्घटनेत घरमालक गिरीश बाबू (वय ४५) आणि कनिष्का (वय ८) यांचा मृत्यू झाला. अचानक घडलेल्या या घटनेमुळे कुटुंबीयांमध्ये एकच आक्रोश झाला.
या दुर्घटनेत अन्य firozabad तीन जण गंभीर जखमी झाले आहेत. जसराना पोलीस ठाण्याचे प्रभारी भगवत सिंह यांनी शनिवारी या घटनेची माहिती दिली. जखमींना तातडीने उपचारासाठी जिल्हा रुग्णालयात दाखल करण्यात आले असून, त्यांच्यावर उपचार सुरू आहेत.या दुर्घटनेमुळे दोन कुटुंबांवर दुःखाचा डोंगर कोसळला आहे. गिरीश बाबू यांच्या मृत्यूमुळे त्यांच्या कुटुंबाचा आधार हरपला, तर अवघ्या आठ वर्षांच्या कनिष्काच्या मृत्यूने तिच्या कुटुंबीयांना मोठा धक्का बसला आहे. वादळी वाऱ्यामुळे घडलेल्या या दुर्घटनेनंतर चनारी गावात शोकपूर्ण वातावरण आहे.