मुथू आला रे! 'जेलर २' चा बॉक्स ऑफिसवर गदर!

jailer 2 reviews'जेलर २' या चित्रपटाद्वारे थलायवाचा स्वॅग आणि डॅशिंग स्टाईल चित्रपटगृहांमध्ये परतला आहे. साऊथचा सुपरस्टार रजनीकांत अभिनीत, बहुप्रतिक्षित 'जेलर २' हा चित्रपट आजपासून जगभरातील चित्रपटगृहांमध्ये प्रदर्शित झाला आहे. मास एंटरटेनमेंटचा एक परिपूर्ण पॅकेज म्हणून, 'जेलर २' ने चित्रपटगृहांना स्टेडियममध्ये बदलण्याचे आपले काम चोख बजावले आहे.

 

 

तीन वर्षांपूर्वी जेलरने 'टायगर' मुथुवेल पांडियन याला मूर्ती तस्कर वर्मा आणि त्याचा साथीदार असलेला त्याचा पोलीस अधिकारी मुलगा अर्जुन मारताना दाखवले. दुसऱ्या भागाच्या कथेच्या सुरुवातीला असे वाटते की, मुथू भूतकाळ विसरून पत्नी, सून आणि नातवाबरोबर नवीन आयुष्य सुरू करत आहे, पण ही केवळ त्याच्या कुटुंबाची सुरुवात नसून, गोव्यात बसून मूर्तींचा काळाबाजार करणाऱ्या म्हणजेच कल्पक परिवाराला उघडकीस आणण्याचा एक कट देखील आहे.

 

 

चित्रपटाचा पूर्वार्ध पाहून असे वाटू शकते की 'जेलर २' हा वर्माच्या मृत्यूचा बदला घेण्याभोवती फिरतो. तथापि, जसजसा चित्रपट पुढे सरकतो, तसतसे तुमच्या लक्षात येईल की हा केवळ बदला घेण्याचा विषय नाही, तर त्यामागे एक अत्यंत रंजक कारण आहे, जे संपूर्ण चित्रपटाला खिळवून ठेवते. रजनीकांतच्या 'जेलर २' ला एक सरप्राईज पॅकेज म्हणता येईल. मध्यांतरापूर्वी मोहनलाल, शिवराजकुमार आणि जॅकी श्रॉफ यांच्या विशेष कॅमिओची झलक दिसते, तर क्लायमॅक्स सीनमध्ये हृतिक रोशन आणि विजय सेतुपती यांसारख्या कलाकारांची एन्ट्री एक योग्य सरप्राईज एलिमेंट ठरते. यात विजय आणि हृतिक यांचे योगदान काय आहे, हे 'जेलर २' पाहिल्यावरच कळेल. दुसरा प्रश्न असा आहे की, या चित्रपटात जॅकी श्रॉफच्या कॅमिओची काय गरज होती.