शेकडो वाहने अडकली महिलेचा मृत्यू, ८ जण गंभीर जखमी

odisha road accident ओडिशातील गंजाम जिल्ह्यात बुधवारी झालेल्या भीषण रस्ते अपघातात एका महिलेचा मृत्यू झाला, तर सात ते आठ जण गंभीर जखमी झाले. चामाखंडी चौकाजवळील राष्ट्रीय महामार्गावर कार, ट्रक आणि अनेक दुचाकी एकमेकांवर आदळल्याने हा अपघात घडला. या घटनेनंतर परिसरात एकच गोंधळ उडाला. वारंवार होणाऱ्या अपघातांना आळा घालण्यासाठी ठोस उपाययोजना कराव्यात, या मागणीसाठी संतप्त नागरिकांनी राष्ट्रीय महामार्गावर रास्ता रोको केला. त्यामुळे महामार्गाच्या दोन्ही बाजूंना वाहनांच्या लांबच लांब रांगा लागल्या आणि शेकडो वाहने अडकून पडली.

 

 

प्राथमिक माहितीनुसार, गंजाम जिल्ह्यातील चामाखंडी पोलीस ठाण्याच्या हद्दीत चामाखंडी चौकाजवळ ही दुर्घटना घडली. राष्ट्रीय महामार्गावरून जाणाऱ्या कारची ट्रकशी धडक झाली. त्यानंतर हे दोन्ही वाहन इतर दुचाकींवर आदळले. त्यामुळे एकापाठोपाठ अनेक वाहने अपघाताच्या विळख्यात सापडली. बसस्थानकाजवळ हा अपघात झाल्याने त्या ठिकाणी उपस्थित असलेले अनेक जणही दुर्घटनेच्या तडाख्यात सापडल्याची माहिती पोलिसांनी दिली.

या अपघातात रोजालिन मिश्रा यांचा मृत्यू झाला. तर सात ते आठ जण गंभीर जखमी झाले. घटनेची माहिती मिळताच स्थानिक नागरिक आणि पोलिसांनी तातडीने मदतकार्य सुरू केले. जखमींना घटनास्थळावरून बाहेर काढून उपचारासाठी ब्रह्मपूर येथील एमकेसीजी वैद्यकीय महाविद्यालय आणि रुग्णालयात दाखल करण्यात आले.

गंजामचे पोलीस अधीक्षक हरीश बी. सी. यांनी दिलेल्या माहितीनुसार, अपघातातील सर्व जखमींना उपचारासाठी रुग्णालयात पाठविण्यात आले आहे. जखमींची ओळख पटविण्याचे कामही पोलिसांकडून सुरू आहे. बसस्थानकाजवळ नागरिकांची वर्दळ असल्याने अनेक जण या अपघाताच्या कचाट्यात सापडल्याचे त्यांनी सांगितले. दरम्यान, पोलिसांनी अपघाताच्या कारणांचा शोध घेण्यासाठी तपास सुरू केला आहे.

महिलेच्या मृत्यूची आणि अनेक जण गंभीर जखमी झाल्याची बातमी समजताच स्थानिक नागरिकांमध्ये संताप पसरला. चामाखंडी चौक परिसरात वारंवार अपघात होत असल्याचा आरोप करत नागरिकांनी राष्ट्रीय महामार्ग रोखून धरला. या भागातील अपघातप्रवण ठिकाणी सुरक्षिततेच्या उपाययोजना करण्याची मागणी त्यांनी केली. आंदोलनामुळे महामार्गावरील वाहतूक काही काळ पूर्णपणे विस्कळीत झाली. दोन्ही दिशांनी जाणारी शेकडो वाहने अडकल्याने प्रवाशांसह वाहनचालकांना मोठा मनस्ताप सहन करावा लागला.

आंदोलनकर्त्यांनी प्रशासनासमोर विविध मागण्या मांडल्या. अपघातातील जखमींना योग्य वैद्यकीय सुविधा आणि प्रभावी उपचार उपलब्ध करून द्यावेत, अपघातप्रवण रस्त्याच्या भागाजवळ उड्डाणपूल उभारावा, राष्ट्रीय महामार्गावर पोलिसांची तैनाती वाढवावी आणि वाहनांची ये-जा नियंत्रित करण्यासाठी बॅरिकेड्स लावावेत, अशा मागण्यांचा त्यात समावेश होता. या उपाययोजना केल्यास भविष्यात अशा दुर्घटना टाळण्यास मदत होईल, असे आंदोलनकर्त्यांचे म्हणणे आहे.

परिस्थितीची गंभीरता odisha road accident  लक्षात घेऊन गंजामचे पोलीस अधीक्षक हरीश बी. सी., छत्रपूरचे आमदार कृष्णचंद्र नायक, माजी आमदार एन. नारायण रेड्डी तसेच अन्य राजकीय प्रतिनिधी आणि स्थानिक नेते घटनास्थळी पोहोचले. त्यांनी आंदोलनकर्त्यांशी चर्चा करून त्यांच्या मागण्या जाणून घेतल्या. अपघातानंतर परिसरात काही काळ तणावाचे वातावरण निर्माण झाले होते. सध्या पोलीस अपघाताचा तपास करत असून, परिसरातील कायदा व सुव्यवस्था कायम राखण्याचे प्रयत्न सुरू आहेत.

दरम्यान, ओडिशात यापूर्वीही भीषण अपघाताची घटना घडली होती. भुवनेश्वर येथे १३ ऑक्टोबर रोजी भरधाव स्क