gst-scam अंमलबजावणी संचालनालयाच्या (ईडी) रांची विभागीय कार्यालयाने जीएसटी इनपुट टॅक्स क्रेडिट (आयटीसी) घोटाळा प्रकरणाच्या तपासासंदर्भात ज्ञानचंद जयस्वाल आणि राज जयस्वालला बेकायदेशीर सावकारी प्रतिबंधक कायद्यांतर्गत अटक केली आहे. रांची येथील विशेष पीएमएलए न्यायालयाने दोन्ही आरोपींना न्यायालयीन कोठडी सुनावली आहे. या प्रकरणात ७३४ कोटींहून अधिक किमतीचे बनावट आयटीसी तयार करण्यात आले होते. आरोपींनी या गुन्ह्यातून मिळालेला पैसा वैध करण्यासाठी १३५ बाेगस कंपन्यांची निर्मिती केली होती.ईडीने ज्ञानचंद जयस्वाल, संजय पारेख आणि इतरांच्या घरे व कार्यालयांशी संबंधित जमशेदपूर आणि कोलकातात चार ठिकाणी शोध आणि जप्ती मोहीम राबवली. यानंतर आरोपींना अटक करण्यात आली.

 

तपासादरम्यान, अनेक गुन्हेगारी कागदपत्रे आणि डिजिटल उपकरणे जप्त करण्यात आली. जमशेदपूर येथील जीएसटी गुप्तचर महासंचालनालयाने दाखल केलेल्या तक्रारींच्या आधारे ईडीने हा तपास सुरू केला होता. या तपासात बनावट आयटीसी तयार करणे आणि ते हस्तांतरित करण्याशी संबंधित एका मोठ्या घोटाळ्याचा पर्दाफाश झाला.