एसटी कर्मचाऱ्यांची दिवाळी गोड होणार!

maharashtra st employees महाराष्ट्र राज्य मार्ग परिवहन महामंडळाच्या (एसटी) अधिकारी आणि कर्मचाऱ्यांसाठी दिलासादायक बातमी समोर आली आहे. कर्मचाऱ्यांना दिवाळीपूर्वी वेतन मिळण्याचा मार्ग मोकळा झाला असून, राज्य शासनाने यासाठी ३९१.०२ कोटी रुपयांचा विशेष निधी मंजूर केला आहे. या निर्णयाचा लाभ एसटी महामंडळातील सुमारे ८३ हजार अधिकारी आणि कर्मचाऱ्यांना होणार आहे. दिवाळीपूर्वी प्रलंबित वेतन मिळण्याची अपेक्षा असल्याने कर्मचाऱ्यांना मोठा दिलासा मिळाला आहे.

 

 

राज्याचे परिवहन मंत्री प्रताप सरनाईक यांनी एसटी कर्मचाऱ्यांना दिवाळीपूर्वी वेतन मिळावे, यासाठी निधी मंजुरीकरिता सातत्याने पाठपुरावा केला होता. त्यांच्या प्रयत्नांनंतर राज्य शासनाने हा निधी मंजूर केल्याने कर्मचाऱ्यांना आर्थिक मदत मिळण्याचा मार्ग सुकर झाला आहे.maharashtra st employees सणासुदीच्या काळात वेतन वेळेवर मिळाल्यास कर्मचाऱ्यांना आर्थिक नियोजन करणे आणि कुटुंबासह दिवाळी साजरी करणे शक्य होणार आहे. त्यामुळे शासनाच्या या निर्णयाकडे एसटी कर्मचाऱ्यांसाठी महत्त्वाचा दिलासा म्हणून पाहिले जात आहे.