वैष्णवीच्या फिरकी गोलंदाजीने झिम्बाब्वेचा संघ ३९.५ षटकांत केवळ १३१ धावा काढून बाद झाला. आपला तिसरा एकदिवसीय सामना खेळणाऱ्या २० वर्षीय वैष्णवीने १० षटकांत ३९ धावा देऊन पाच बळी घेतले. तिने दुसऱ्या एकदिवसीय सामन्यातही चार बळी घेतले होते. लक्ष्याचा पाठलाग करताना, प्रतिकाने ५६ चेंडूंमध्ये नाबाद ५९ धावा केल्या, तर चौथ्या क्रमांकावर फलंदाजी करणाऱ्या शेफाली वर्माने आक्रमक खेळी करत २६ चेंडूंमध्ये नाबाद ५१ धावा करून भारताला सहज विजय मिळवून दिला.

पहिल्या दोन सामन्यांमध्ये १०० आणि ६१ धावा करणाऱ्या प्रतिकाने झिम्बाब्वेच्या गोलंदाजांविरुद्ध सहज फलंदाजी केली. तिने चौकार मारून डावाची सुरुवात केली आणि आपल्या ३०व्या एकदिवसीय सामन्यात १०वे अर्धशतक पूर्ण केले. त्यानंतर शेफाली मैदानावर येताच वेगाने धावा करू लागली. तिने चौकारांची उधळण करत लक्ष्य सोपे करून दाखवले आणि प्रतिकासोबत मिळून भारताला विजय मिळवून दिला.

त्यानंतर वैष्णवीने तिच्या फिरकीची जादू दाखवली. प्रथम, तिने बिलोव्हेड बिझाला बाद केले आणि नंतर चतुराईने फॉर्मात असलेल्या मुपाचिकवाला चकवले. मुपाचिकवा क्रीजच्या बाहेर खेळण्याचा विचार करत आहे हे ओळखून, वैष्णवीने चेंडू ऑफ स्टंपच्या खूप बाहेर टाकला. फलंदाज चेंडूपर्यंत पोहोचू शकली नाही आणि यष्टीरक्षक यास्तिकाकरवी यष्टिचित झाली.