IIT मुंबईत विद्यार्थ्यांचा मृत्यू!

IIT mumbaiआयआयटी मुंबईच्या द्वितीय वर्षाचा विद्यार्थी साहिल वाकोडे याच्या मृत्यू प्रकरणाचा तपास अजूनही सुरू आहे. दरम्यान, मुंबई गुन्हे शाखेने प्राध्यापक सूर्यनारायण दुला यांचा जबाब नोंदवला आहे. त्यांची सुमारे ८-१० तास चौकशी करण्यात आली. प्राध्यापक दुला यांनी त्यांच्यावरील सर्व आरोप फेटाळून लावले आहेत. त्यांनी सांगितले की, त्यांनी संस्थेच्या नियमांनुसारच कारवाई केली. तसेच, विद्यार्थ्याविरुद्ध जातीयवादी टिप्पणी केल्याचे आरोपही त्यांनी नाकारले.

 

 

प्राध्यापक दुला यांनी आपल्या जबाबात म्हटले आहे की, त्यांनी सर्व नियमांचे पालन केले असून, कोणताही जातीयवादी अपशब्द वापरला नाही किंवा तशा प्रकारची कोणतीही टिप्पणी केली नाही. त्यांनी आपल्यावरील आरोपही फेटाळून लावले. अशी आशा आहे की, सूर्यनारायण दुला यांचा जबाब नोंदवल्यामुळे गुन्हे शाखेच्या तपासाला गती मिळेल.

 

गुन्हे शाखेने आयआयटी मुंबईच्या पवई कॅम्पसमध्ये प्राध्यापक दुला यांची चौकशी केली. यापूर्वी, गुन्हे शाखेने साहिलचे पालक, आयआयटी कर्मचारी, वसतिगृह कर्मचारी आणि विद्यार्थ्यांसह सुमारे ४० लोकांचे जबाब नोंदवले होते. पोलिसांनी साहिलचे दोन मोबाईल फोन, एक टॅबलेट आणि एक लॅपटॉप फॉरेन्सिक तपासणीसाठी पाठवले आहेत.