‘जन गण मन’ वाजताच पडली पाक संघाची मान!

India's national anthem and Pakistan's team आशियाई क्रीडा स्पर्धा 2026 मधील भारत आणि पाकिस्तान यांच्यातील क्रिकेटचा अंतिम सामना चांगलाच रंगला. भारताने पाकिस्तानवर 19 धावांनी मात करत पुरुष क्रिकेटमध्ये सलग दुसऱ्यांदा सुवर्णपदक पटकावले. कोरोगी स्पोर्ट्स पार्कमध्ये झालेल्या या सामन्यानंतर पदक वितरण सोहळ्यातील एक क्षणही चर्चेचा विषय ठरला. भारताचे राष्ट्रगीत सुरू होताच पाकिस्तानचा रौप्यपदक विजेता संघही सन्मानार्थ सावधान स्थितीत उभा राहिल्याचे पाहायला मिळाले.अंतिम सामन्यात भारताने प्रथम फलंदाजी करताना 20 षटकांत 6 गडी गमावून 211 धावा केल्या. अभिषेक शर्माने अवघ्या 28 चेंडूंत 61 धावांची आक्रमक खेळी करत भारताच्या धावसंख्येला वेग दिला. त्यानंतर तिलक वर्माने 22 चेंडूंत नाबाद 51 धावा करत संघाला मोठी धावसंख्या उभारून दिली.

 

 

 

 

भारताने दिलेल्या 212 धावांच्या लक्ष्याचा पाठलाग करताना पाकिस्तानचा संघ 20 षटकांत 6 बाद 192 धावांपर्यंतच मजल मारू शकला. हसन नवाजने 96 धावांची झुंजार खेळी केली. मात्र, त्याच्या या प्रयत्नानंतरही पाकिस्तानला विजय मिळवता आला नाही आणि भारताने 19 धावांनी सामना जिंकला.सामना संपल्यानंतर झालेल्या पदक वितरण सोहळ्यात भारताला सुवर्णपदक, तर पाकिस्तानला रौप्यपदक देण्यात आले. भारतीय खेळाडू सुवर्णपदक स्वीकारण्यासाठी मंचावर असताना ‘जन गण मन’ची धून सुरू झाली. यावेळी पाकिस्तानचा संघही राष्ट्रगीताच्या सन्मानार्थ सावधान स्थितीत उभा राहिला. भारताचा तिरंगा उंचावत असताना हा संपूर्ण क्षण कॅमेऱ्यात कैद झाला आणि त्याचा व्हिडिओ सोशल मीडियावर चर्चेत आला.

 

 

 

 

दरम्यान, भारत-पाकिस्तान अंतिम सामन्यापूर्वी एसीसी आणि पीसीबीचे अध्यक्ष मोहसिन नक्वी पदक वितरण सोहळ्याला उपस्थित राहणार का, याबाबत चर्चा होती. मात्र, एशियन क्रिकेट कौन्सिलने पूर्वनियोजित व्यस्ततेमुळे नक्वी फायनल डे आणि पदक वितरण सोहळ्यात सहभागी होणार नसल्याचे स्पष्ट केले होते. त्यामुळे त्यांच्या उपस्थितीत पदक वितरणाचा कोणताही प्रसंग घडला नाही.पदक वितरण सोहळ्यावेळी आयसीसी अध्यक्ष जय शाह उपस्थित होते. भारताच्या खेळाडूंना सुवर्णपदक प्रदान करण्याच्या कार्यक्रमात त्यांनी सहभाग घेतला. आशियाई क्रीडा स्पर्धा 2026 मध्ये भारताने क्रिकेटच्या महिला आणि पुरुष अशा दोन्ही गटांत सुवर्णपदक मिळवले. महिला संघाने यापूर्वी श्रीलंकेचा पराभव करून सुवर्णपदकावर नाव कोरले होते. त्यानंतर पुरुष संघाने पाकिस्तानला पराभूत करत भारताच्या खात्यात आणखी एका सुवर्णपदकाची भर घातली. पुरुष क्रिकेट संघाने आशियाई क्रीडा स्पर्धेतील आपले मागील सुवर्णपदक यशस्वीपणे राखले. पाकिस्तानविरुद्ध अंतिम सामन्यात मिळालेल्या 19 धावांच्या विजयामुळे भारताने क्रिकेटमध्ये ‘डबल गोल्ड’ची कामगिरी नोंदवली.