बळीराजाच्या खात्यात ‘दिलासा’ जमा!

maharashtra-farmer-loan-waiver-2026शेतकऱ्यांच्या कर्जमाफीबाबत मोठी अपडेट समोर आली आहे. पुण्यश्लोक अहिल्यादेवी होळकर योजनेचा तिसरा हफ्ता जारी करण्यात आला आहे. मुख्यमंत्र्‍यांच्या हस्ते हा हप्ता शेतकऱ्यांच्या खात्यात जमा करण्यात आला आहे. ऑनलाईन पद्धतीने या लाभाचे वितरण झाले आहे. यामुळे शेतकऱ्यांना मोठा दिलासा मिळाला आहे. दुष्काळामुळे महाराष्ट्रातील बळीराजा संकटात सापडला आहे.

 

 

पुण्यश्लोक अहिल्यादेवी होळकर शेतकरी कर्जमाफी योजना २०२६ चा तिसरा हफ्ता शेतकऱ्यांच्या खात्यात वितरित करण्यात आला आहे. या योजनेअंतर्गत पात्र शेतकऱ्यांच्या खात्यात पैसे जमा करण्यात आले आहेत. सध्याच्या दुष्काळामुळे महाराष्ट्राला पशुधनाच्या चाऱ्याच्या मोठ्या तुटवड्याचा सामना करावा लागत आहे. राज्यात हिरव्या चाऱ्यात २२.७९% आणि सुक्या चाऱ्यात २१.४३% तूट नोंदवली गेली आहे.

 

राज्यात सुमारे २.७८ कोटी पशुधन असून त्यांच्यासाठी हिरव्या चाऱ्याची अंदाजित गरज १,१७६.७८ लाख मेट्रिक टन आहे. या गरजेच्या तुलनेत सध्या केवळ ९०७.४९ लाख मेट्रिक टन चारा उपलब्ध असून २६८.३७ लाख मेट्रिक टन चाऱ्याची तूट निर्माण झाली आहे. सुक्या चाऱ्याचीही तूट जाणवत आहे. ३७७.८७ लाख मेट्रिक टन गरजेच्या तुलनेत केवळ २९६.६२ लाख मेट्रिक टन चारा उपलब्ध असून त्यामुळे ८१.०६ लाख मेट्रिक टन किंवा २१.४३% ची तूट निर्माण झाली आहे.

 

राज्य अनेक भागांमध्ये दुष्काळ आणि पिकांच्या नुकसानीचा सामना करत असताना, चाऱ्याच्या तुटवड्यामुळे महाराष्ट्राच्या ग्रामीण अर्थव्यवस्थेवरील वाढत्या दबावात भर पडली आहे. मुख्यमंत्री देवेंद्र फडणवीस यांनी गेल्या महिन्यात इशारा दिला होता की, परिस्थिती १९७२ च्या दुष्काळापेक्षाही अधिक गंभीर असू शकते आणि येणारे महिने अत्यंत आव्हानात्मक असतील. यामुळे सरकार पूर्णपणे शेतकऱ्यांच्या पाठीशी आहे. यासाठी सरकारने कर्जमाफीची योजना आणली आहे. यातून शेतकऱ्यावरील कर्जाचा भार कमी होत आहे.