आकाशात संपर्क तुटला अन् काळजाचा ठोका चुकला

nigeria military plane crash नायजेरियात लष्करी विमानाचा भीषण अपघात होऊन त्यातील २५ प्रवासी आणि सात कर्मचाऱ्यांचा मृत्यू झाल्याची माहिती समोर आली आहे. बेनिन सिटीहून लागोसकडे नियमित मोहिमेवर निघालेले नायजेरियन हवाई दलाचे एटीआर-४२ विमान नैऋत्येकडील ओंडो राज्यात कोसळले. उड्डाणादरम्यान विमानाचा हवाई वाहतूक नियंत्रण कक्षाशी (एटीसी) संपर्क तुटल्यानंतर काही वेळातच ही दुर्घटना घडली. या अपघातात काही स्थानिक नागरिकही गंभीर जखमी झाल्याचे सांगण्यात येत आहे.

 

 

नायजेरियाचे नागरी उड्डाण मंत्री फेस्टस कियामो यांनी सोमवारी झालेल्या या दुर्घटनेची माहिती दिली. बेनिन सिटीहून लागोसच्या दिशेने विमान नियमित उड्डाण करत असताना एअर ट्रॅफिक कंट्रोलशी त्याचा संपर्क तुटला. त्यानंतर विमानाचा शोध घेण्यात आला असता ओंडो राज्यातील इग्बोकोडा या किनारी शहराजवळ विमानाचे अवशेष आढळून आले. दुर्घटनेनंतर घटनास्थळी शोध आणि बचाव पथके रवाना करण्यात आली.

विमानातील कोणतीही व्यक्ती या दुर्घटनेतून वाचली नसल्याचे स्पष्ट झाल्यानंतर नायजेरियाचे राष्ट्राध्यक्ष बोला टिनुबू यांनी शोक व्यक्त केला. मृतांच्या कुटुंबीयांप्रती त्यांनी संवेदना व्यक्त केल्या आहेत. या दुर्घटनेमुळे नायजेरियात मोठी खळबळ उडाली असून, अलीकडच्या काही वर्षांतील हा गंभीर विमान अपघात असल्याचे मानले जात आहे.

 

 

दरम्यान, या घटनेच्या पार्श्वभूमीवर nigeria military plane crash  विमान अपघातांची मालिका आणि त्यामागील सुरक्षेचे प्रश्न पुन्हा चर्चेत आले आहेत. नुकतेच दुबईहून तेल अवीवकडे जाणाऱ्या फ्लायदुबईच्या विमानातील एका घटनेचीही चर्चा झाली होती. त्या विमानात भारतीय पायलट स्मित मच्छार यांनी दाखवलेल्या धैर्यामुळे मोठी दुर्घटना टळल्याचा दावा करण्यात आला होता. को-पायलटकडून झालेल्या हल्ल्यात गंभीर जखमी झाल्यानंतरही स्मित मच्छार यांनी कॉकपिटचा दरवाजा उघडला. त्यानंतर प्रवाशांनी ओमानी को-पायलटला ताब्यात घेतल्याचे सांगण्यात आले. या घटनेत सुमारे १८० प्रवाशांचे प्राण वाचल्याची माहिती समोर आली होती.

या पार्श्वभूमीवर नायजेरियातील लष्करी विमान दुर्घटनेने पुन्हा एकदा विमान सुरक्षेचा मुद्दा ऐरणीवर आणला आहे. मात्र, ओंडो राज्यातील अपघाताचे नेमके कारण अद्याप स्पष्ट झालेले नाही. विमानाचा एटीसीशी संपर्क का तुटला आणि त्यानंतर नेमकी कोणती परिस्थिती निर्माण झाली, याचा तपास संबंधित यंत्रणांकडून केला जात आहे.