दोन सख्ख्या भावांना जन्मठेप

school bus driver murder case उत्तर प्रदेशातील फतेहपूर जिल्ह्यातील किशनपूर पोलिस ठाण्याच्या हद्दीतील सिलमी गावात साडेतीन वर्षांपूर्वी झालेल्या स्कूल बस चालकाच्या हत्येप्रकरणी न्यायालयाने दोघा सख्ख्या भावांना जन्मठेपेची शिक्षा सुनावली आहे. अपर सत्र न्यायाधीश प्रथम अजय सिंह यांच्या न्यायालयाने रामलखन आणि शिवलखन यांना रज्जन तिवारी यांच्या हत्येसाठी दोषी ठरवत जन्मठेपेसह प्रत्येकी एक लाख रुपयांचा दंड ठोठावला.

 

 

सरकारी वकील अंजय सिंह यांनी दिलेल्या माहितीनुसार, ही घटना ३ फेब्रुवारी २०२३ रोजी रात्री घडली होती. जुन्या वादातून सिलमी गावातील स्कूल बस चालक रज्जन तिवारी यांच्यावर रामलखन आणि शिवलखन या दोघांनी लाठी-काठ्यांनी हल्ला केला होता. आरोपींनी तब्बल ४० मिनिटे रज्जन यांना बेदम मारहाण केल्याचा आरोप होता. या हल्ल्यात गंभीर जखमी झालेल्या रज्जन यांना उपचारासाठी रुग्णालयात दाखल करण्यात आले; मात्र उपचारादरम्यान त्यांचा मृत्यू झाला. शवविच्छेदन अहवालात त्यांच्या शरीरावर १५ जखमा आढळल्या असून, डोक्यावरील गंभीर दुखापत मृत्यूचे प्रमुख कारण असल्याचे नमूद करण्यात आले होते.

घटनेच्या दुसऱ्या दिवशी मृताच्या भावाने विमलेश कुमार यांनी दिलेल्या तक्रारीवरून पोलिसांनी हत्या, मारहाण आणि जीवे मारण्याची धमकी यांसह संबंधित कलमांनुसार गुन्हा दाखल केला. पोलिसांनी घटनेनंतर काही दिवसांत रामलखनला अटक करून तुरुंगात पाठविले. त्यानंतर शिवलखन फरार झाला होता. सुमारे नऊ दिवसांनी पोलिसांनी त्यालाही अटक केली. या प्रकरणाच्या सुनावणीदरम्यान अभियोजन पक्षाने न्यायालयासमोर साक्षीदार तसेच ठोस पुरावे सादर केले. उपलब्ध पुरावे आणि साक्षीच्या आधारे न्यायालयाने school bus driver murder case  दोन्ही भावांना हत्येचा दोषी ठरविले.दरम्यान, रज्जन यांचा मृतदेह गावात आणल्यानंतर त्यांच्या कुटुंबीयांनी अंत्यसंस्कार करण्यास नकार देत आरोपींना कठोर शिक्षा करण्याची मागणी केली होती. रज्जन यांच्या पत्नी मीना देवी आणि आई गोमती देवी यांनी ही मागणी केली. घटनेपूर्वी संभाव्य अनर्थाची भीती व्यक्त करून चौकी पोलिसांकडे तक्रार केली होती; मात्र त्यावर कारवाई झाली नसल्याचा आरोप कुटुंबीयांनी केला होता. अधिकाऱ्यांनी समजूत काढल्यानंतर सुमारे सहा तासांनी अंत्यसंस्कार करण्यात आले.या प्रकरणाच्या तक्रारीत मृताच्या कुटुंबीयांनी दोन्ही भावांची आई सरस्वती देवी यांचेही नाव आरोपी म्हणून नमूद केले होते. मात्र तपासादरम्यान पोलिसांनी सरस्वती देवी यांचे नाव गुन्ह्यातून वगळले. न्यायालयाने नियमानुसार त्यांना समन्स बजावून हजर राहण्यास सांगितले आहे.