नाना, तू पोलिसांसाठी पोलादासारखा उभा राहायचास

vishwas nangare patil ज्येष्ठ अभिनेते नाना पाटेकर यांच्या निधनाने मराठी आणि हिंदी चित्रपटसृष्टीवर शोककळा पसरली आहे. नाना पाटेकर यांच्या निधनावर नागपूरचे पोलीस आयुक्त विश्वास नांगरे पाटील यांनी सोशल मीडियावर भावूक प्रतिक्रिया व्यक्त केली. त्यांनी एका वृत्तवाहिनीच्या जुन्या व्हिडीओची पोस्ट शेअर करत नानांसोबतच्या आठवणींना उजाळा दिला.

 

 

‘नाना, तुला मी आवडत होतो ना! तू पोलिसांसाठी पोलादासारखा उभा राहायचास. परवाच आपले बोलणे झाले होते. नागपूर पोलिसांसाठी मुंबईला येऊन रेकॉर्डिंग करणार होतास. आता कोणाचा मानसिक आधार घ्यायचा?’ अशा शब्दांत नांगरे पाटील यांनी आपल्या भावना व्यक्त केल्या. नाना हे शेतकऱ्यांसाठी कायम उभे राहणारे, निर्भय, बेधडक आणि अस्सल मर्द होते, असेही त्यांनी म्हटले. ‘तुला काहीच कसे वाटले नाही, असे अचानक एक्झिट घेऊन गेलास,’ असे म्हणताना नांगरे पाटील भावूक झाले.

नाना पाटेकर यांच्या निधनाने त्यांच्या जन्मगाव मुरुडसह संपूर्ण रायगड जिल्ह्यावर शोककळा पसरली आहे. मुरुडमधील विविध समूहांमधून त्यांना श्रद्धांजली वाहण्यात येत असून, त्यांच्या जुन्या आठवणींना उजाळा दिला जात आहे.

मुरुड-जंजिरा येथे १ जानेवारी १९५१ रोजी जन्मलेल्या नाना पाटेकर यांचे पूर्ण नाव विश्वनाथ दिनकरराव पाटेकर होते. वडिलांचा कापडाचा व्यवसाय होता. आर्थिक परिस्थितीमुळे पुढे त्यांनी मुंबई गाठली आणि संघर्षमय प्रवासाला सुरुवात झाली. वडिलांना नाटक आणि तमाशाची आवड असल्याने बालपणातच नानांना नाट्यप्रयोग पाहण्याची संधी मिळाली. मुरुडच्या वातावरणातच त्यांच्या अभिनयाची पहिली ठिणगी पडली आणि स्थानिक नाट्यप्रयोगांतून त्यांची रंगभूमीशी नाळ जोडली गेली.मुंबईतील सर जे. जे. स्कूल ऑफ आर्ट्समध्ये त्यांनी शिक्षण घेतले. चित्रकलेची आवड असलेल्या नाना यांच्या आयुष्यात रंगभूमीने महत्त्वाचे वळण आणले. पुढे vishwas nangare patil अभिनय, भारदस्त आवाज, डोळ्यांतून भावना व्यक्त करण्याची विलक्षण शैली आणि साधेपणा यांच्या जोरावर त्यांनी मराठी तसेच हिंदी चित्रपटसृष्टीत स्वतःची स्वतंत्र ओळख निर्माण केली. अभिनयाच्या पलीकडे सामाजिक कार्यातही त्यांनी योगदान दिले. ‘नाम फाउंडेशन’च्या माध्यमातून शेतकऱ्यांसाठी केलेल्या कामामुळे त्यांची वेगळी ओळख निर्माण झाली.नानांच्या निधनाने भारतीय चित्रपटसृष्टीने केवळ एक प्रतिभावान अभिनेता गमावलेला नसून, अभिनयाला स्वतःची स्वतंत्र भाषा देणारे असामान्य व्यक्तिमत्त्व गमावल्याची भावना त्यांच्या चाहत्यांकडून व्यक्त होत आहे.