दिवाळी पाडव्याला सोन्याची चमक स्वस्त!

Gold is cheaper on Diwali Padwa दिवाळी पाडव्याच्या मुहूर्तावर सोने खरेदी करण्याचा विचार करणाऱ्या ग्राहकांसाठी दिलासादायक बातमी आहे. जळगावच्या सराफा बाजारात सोन्याच्या दरात एक हजार रुपयांची घसरण नोंदवण्यात आली आहे. त्यामुळे सणासुदीच्या काळात सोने खरेदी करणाऱ्यांना काहीसा दिलासा मिळाला आहे. मिळालेल्या माहितीनुसार, काल जीएसटीसह १० ग्रॅम सोन्याचा दर १ लाख ४३ हजार ५०० रुपये होता. त्यात आज एक हजार रुपयांची घट झाल्याने हा दर १ लाख ४२ हजार ५०० रुपयांवर आला आहे. दुसरीकडे, सोन्याच्या किमतीत घट झाली असली तरी चांदीचे दर मात्र स्थिर आहेत. काल जीएसटीसह एक किलो चांदीचा भाव १ लाख ९० हजार रुपये होता. आजही हाच दर कायम असल्याची माहिती सराफा बाजारातून मिळाली आहे.

 

 

 

 

दरम्यान, गुड रिटर्न्स या संकेतस्थळावरील आकडेवारीनुसार, देशातील २४, २२ आणि १८ कॅरेट सोन्याच्या दरातही घसरण झाली आहे. २४ कॅरेटच्या एक तोळा सोन्याच्या किमतीत ४९० रुपयांची घट झाली असून, आता एक तोळा सोन्यासाठी ग्राहकांना १ लाख ४४ हजार ११० रुपये मोजावे लागणार आहेत. तर १० तोळे सोन्याच्या दरात ४ हजार १०० रुपयांची घट झाली आहे. त्यामुळे १० तोळे सोन्याची किंमत १४ लाख ४१ हजार १०० रुपये झाली आहे. सोन्याच्या दरातील या घसरणीमुळे मोठ्या प्रमाणात खरेदी करणाऱ्या ग्राहकांनाही दिलासा मिळाला आहे.

 

 

२२ कॅरेट सोन्याच्या दरातही कपात झाली आहे. एक तोळा २२ कॅरेट सोन्याच्या किमतीत ४५० रुपयांची घट झाली असून, त्याचा दर आता १ लाख ३२ हजार १०० रुपये झाला आहे. तर १० तोळे सोन्याच्या किमतीत ४ हजार ५०० रुपयांची घसरण झाली असून, त्यासाठी आता १३ लाख २१ हजार रुपये मोजावे लागणार आहेत. अशा प्रकारे जळगावच्या सराफा बाजारात सोन्याच्या दरात झालेली घट आणि चांदीचे स्थिर भाव यामुळे दिवाळी पाडव्याच्या खरेदीसाठी ग्राहकांना काहीसा दिलासा मिळाला आहे.