राज्यात थंडीची चाहूल
Total Views |
मुंबई
cold wave राज्यात गेल्या काही दिवसांपासून किमान तापमानात सातत्याने चढ-उतार होत असताना आता बहुतांश भागांत थंडीची चाहूल लागण्यास सुरुवात झाली आहे. मंगळवारपासून राज्यातील अनेक जिल्ह्यांच्या किमान तापमानात घट नोंदवण्यात आली असून बुधवारीही मध्य महाराष्ट्र, विदर्भ, कोकण आणि मराठवाड्यातील काही भागांत पारा खाली आला. त्यामुळे दिवसा उन्हाचा आणि उकाड्याचा सामना करणाऱ्या नागरिकांना पहाटे तसेच रात्रीच्या वेळी काहीसा गारवा जाणवू लागला आहे. पुढील तीन दिवसांत राज्यातील किमान तापमानात आणखी २ ते ३ अंश सेल्सिअसने घट होण्याची शक्यता हवामान विभागाने व्यक्त केली आहे.
cold wave राज्यात गेल्या काही दिवसांपासून किमान तापमानात सातत्याने चढ-उतार होत असताना आता बहुतांश भागांत थंडीची चाहूल लागण्यास सुरुवात झाली आहे. मंगळवारपासून राज्यातील अनेक जिल्ह्यांच्या किमान तापमानात घट नोंदवण्यात आली असून बुधवारीही मध्य महाराष्ट्र, विदर्भ, कोकण आणि मराठवाड्यातील काही भागांत पारा खाली आला. त्यामुळे दिवसा उन्हाचा आणि उकाड्याचा सामना करणाऱ्या नागरिकांना पहाटे तसेच रात्रीच्या वेळी काहीसा गारवा जाणवू लागला आहे. पुढील तीन दिवसांत राज्यातील किमान तापमानात आणखी २ ते ३ अंश सेल्सिअसने घट होण्याची शक्यता हवामान विभागाने व्यक्त केली आहे.
उत्तर भारतातील काही राज्यांमध्ये ऑक्टोबर महिन्याच्या अखेरीपासूनच किमान तापमानात घट होण्यास सुरुवात झाली होती. सध्या दिल्ली आणि आसपासच्या परिसरात किमान तापमान १४ ते १६ अंश सेल्सिअसच्या दरम्यान नोंदवले जात आहे. हिमालयीन पर्वतीय भागांतही थंडीचा जोर वाढत आहे. हवामान विभागाच्या अंदाजानुसार, बुधवारी नवीन पश्चिमी विक्षोभ प्रणाली सक्रिय होण्याची शक्यता आहे. या प्रणालीच्या प्रभावामुळे जम्मू-काश्मीरमधील गुलमर्ग, सोनमर्ग आणि पहलगाम तसेच हिमाचल प्रदेशातील उंच डोंगराळ भागांत ११ ते १३ नोव्हेंबरदरम्यान बर्फवृष्टी होण्याची शक्यता आहे.
हिमालयीन भागात बर्फवृष्टी झाल्यानंतर तेथून वाहणाऱ्या थंड वाऱ्यांचा प्रभाव उत्तर भारताच्या मैदानी प्रदेशासह मध्य भारतातही जाणवू शकतो. या थंड वाऱ्यांमुळे राजस्थान, गुजरात, मध्य प्रदेश आणि महाराष्ट्रात तापमानाचा पारा वेगाने घसरतो. त्यामुळे आगामी काळात राज्यातील थंडीचा जोर वाढण्याची शक्यता आहे.
सध्या मुंबईसह संपूर्ण कोकण प्रदेशात कमाल तापमान अधिक असल्याने नागरिकांना उष्णतेचा सामना करावा लागत आहे. राज्याच्या उर्वरित बहुतांश भागांत कमाल तापमान ३१ ते ३४ अंश सेल्सिअसच्या दरम्यान आहे. मात्र, किमान तापमानात झालेल्या घसरणीमुळे पहाटेच्या वेळी काहीसा दिलासा मिळत आहे. त्यामुळे दिवसाच्या वेळी उकाडा आणि रात्री-पहाटे गारवा असे संमिश्र हवामान अनुभवायला मिळत आहे.
बुधवारी मध्य महाराष्ट्रातील जळगाव येथे १५ अंश सेल्सिअस किमान तापमानाची नोंद झाली. जेऊर येथे १४, कोल्हापूर येथे १८, मालेगाव येथे १४.६, नाशिक येथे १४.२, सांगली येथे १६.२, सातारा येथे १४.६, तर सोलापूर येथे १७.१ अंश सेल्सिअस तापमान नोंदवण्यात आले. कोकणात रत्नागिरी येथे २०.४, मुंबईच्या सांताक्रूझ येथे २०, डहाणू येथे २०, तर हर्णे येथे २३.८ अंश सेल्सिअस किमान तापमानाची नोंद झाली.
विदर्भातील बहुतांश भागांतही किमान तापमानात घट झाली आहे. गोंदिया येथे बुधवारी १२.४ अंश सेल्सिअस तापमान नोंदवण्यात आले. हे तापमान सरासरी किमान तापमानापेक्षा ४.७ अंशांनी कमी होते. यवतमाळ येथे १५.८, नागपूर येथे १४.६, वर्धा येथे १५.६, वाशीम येथे १६.४, तर अमरावती येथे १६.३ अंश सेल्सिअस किमान तापमानाची नोंद झाली आहे.
एकूणच, राज्यातील बहुतांश भागांत तापमानाचा पारा हळूहळू खाली येत असून आगामी तीन दिवसांत आणखी घट होण्याचा अंदाज आहे. उत्तर भारतातील पश्चिमी विक्षोभ आणि हिमालयीन भागातील संभाव्य बर्फवृष्टी यामुळे महाराष्ट्रातही थंडीची तीव्रता वाढण्याची शक्यता आहे. त्यामुळे उकाड्याने त्रस्त असलेल्या नागरिकांना आगामी काळात थोडा दिलासा मिळण्याची चिन्हे आहेत.
हिमालयीन भागात बर्फवृष्टी झाल्यानंतर तेथून वाहणाऱ्या थंड वाऱ्यांचा प्रभाव उत्तर भारताच्या मैदानी प्रदेशासह मध्य भारतातही जाणवू शकतो. या थंड वाऱ्यांमुळे राजस्थान, गुजरात, मध्य प्रदेश आणि महाराष्ट्रात तापमानाचा पारा वेगाने घसरतो. त्यामुळे आगामी काळात राज्यातील थंडीचा जोर वाढण्याची शक्यता आहे.
सध्या मुंबईसह संपूर्ण कोकण प्रदेशात कमाल तापमान अधिक असल्याने नागरिकांना उष्णतेचा सामना करावा लागत आहे. राज्याच्या उर्वरित बहुतांश भागांत कमाल तापमान ३१ ते ३४ अंश सेल्सिअसच्या दरम्यान आहे. मात्र, किमान तापमानात झालेल्या घसरणीमुळे पहाटेच्या वेळी काहीसा दिलासा मिळत आहे. त्यामुळे दिवसाच्या वेळी उकाडा आणि रात्री-पहाटे गारवा असे संमिश्र हवामान अनुभवायला मिळत आहे.
बुधवारी मध्य महाराष्ट्रातील जळगाव येथे १५ अंश सेल्सिअस किमान तापमानाची नोंद झाली. जेऊर येथे १४, कोल्हापूर येथे १८, मालेगाव येथे १४.६, नाशिक येथे १४.२, सांगली येथे १६.२, सातारा येथे १४.६, तर सोलापूर येथे १७.१ अंश सेल्सिअस तापमान नोंदवण्यात आले. कोकणात रत्नागिरी येथे २०.४, मुंबईच्या सांताक्रूझ येथे २०, डहाणू येथे २०, तर हर्णे येथे २३.८ अंश सेल्सिअस किमान तापमानाची नोंद झाली.
विदर्भातील बहुतांश भागांतही किमान तापमानात घट झाली आहे. गोंदिया येथे बुधवारी १२.४ अंश सेल्सिअस तापमान नोंदवण्यात आले. हे तापमान सरासरी किमान तापमानापेक्षा ४.७ अंशांनी कमी होते. यवतमाळ येथे १५.८, नागपूर येथे १४.६, वर्धा येथे १५.६, वाशीम येथे १६.४, तर अमरावती येथे १६.३ अंश सेल्सिअस किमान तापमानाची नोंद झाली आहे.
एकूणच, राज्यातील बहुतांश भागांत तापमानाचा पारा हळूहळू खाली येत असून आगामी तीन दिवसांत आणखी घट होण्याचा अंदाज आहे. उत्तर भारतातील पश्चिमी विक्षोभ आणि हिमालयीन भागातील संभाव्य बर्फवृष्टी यामुळे महाराष्ट्रातही थंडीची तीव्रता वाढण्याची शक्यता आहे. त्यामुळे उकाड्याने त्रस्त असलेल्या नागरिकांना आगामी काळात थोडा दिलासा मिळण्याची चिन्हे आहेत.