दिवाळीच्या सणात घरात ही झाडं नकोच!

diwali-vastu-plantsदिवाळीचा सण अत्यंत मंगलमय आणि समृद्धी देणारा मानला जातो. दिवाळीपूर्वी घराची स्वच्छता केल्यानं आणि नकारात्मकता दूर केल्याने माता लक्ष्मीचे आगमन होते, अशी धार्मिक श्रद्धा आहे. त्यामुळे लोक घराचा कानाकोपरा स्वच्छ करून जुन्या, अडगळीच्या वस्तू बाहेर फेकतात. मात्र, वास्तूशास्त्रानुसार घरात असलेल्या काही झाडांना अजिबात शुभ मानले जात नाही. दिसायला देखणी असली तरी ही झाडे घरात कौटुंबिक तणाव आणि नकारात्मकता वाढवू शकतात. त्यामुळे दिवाळीच्या आधी खालील 6 झाडांबाबत योग्य खबरदारी घेणे हिताचं मानलं जातं.

 

 

वास्तूशास्त्राच्या नियमांनुसार घरामध्ये काटेरी झाडे लावणे अशुभ मानले जाते. कॅक्टस आणि गुलाबासारख्या वनस्पतींबाबत अशी मान्यता आहे की, त्यांच्या अंगावरील तीक्ष्ण काटे कुटुंबातील सदस्यांमध्ये तणाव आणि मतभेद निर्माण करू शकतात. गुलाब हे सौंदर्य आणि प्रेमाचे प्रतीक असले, तरी त्यावरील काटे सुख-शांतीच्या दृष्टीनं अनुकूल मानलं जात नाहीत. त्यामुळे अशी काटेरी झाडे मुख्य दरवाजाजवळ किंवा घराच्या महत्त्वाच्या भागात ठेवणे टाळावे.

घरात सुकलेली, पिवळी पडलेली किंवा कोमेजलेली झाडे ठेवणे वास्तूच्या दृष्टीने अत्यंत हानिकारक ठरते. हिरवीगार झाडे प्रगती, चैतन्य आणि सकारात्मक ऊर्जेचे प्रतीक असतात; तर वाळलेली पाने उदासीनता आणि कामातील अडथळ्यांचे संकेत मानले जातात. दिवाळीच्या साफसफाईदरम्यान घरातील सर्व सुकलेली झाडे आणि कोमेजलेली पाने त्वरित घराबाहेर काढली पाहिजेत.

आजकाल घराच्या अंतर्गत सजावटीसाठी (Interior) स्नेक प्लांट खूप लोकप्रिय आहे. हवा शुद्ध करण्यासाठी हे झाड ओळखले जात असले, तरी वास्तूच्या काही नियमांनुसार त्याची लांब आणि टोकदार पाने नात्यांमध्ये कटुता आणू शकतात. त्यामुळे हे झाड घरात ठेवताना योग्य दिशा आणि जागेची निवड करणे अत्यंत आवश्यक असते. ते लिव्हिंग रूमच्या मध्यभागी किंवा बेडरूममध्ये चुकीच्या दिशेला ठेवणे टाळावे.

वास्तू मान्यतेनुसार झाडांचा आकार आणि त्यांच्या पानांची ठेवणही महत्त्वाची असते. सुव्यवस्थित, समतोल आणि सुंदर वाढणारी रोपे घरात सुसंवाद दर्शवतात. याउलट, अस्ताव्यस्त आणि विचित्रपणे वाढणारी झाडे वास्तूच्या दृष्टीने योग्य मानली जात नाहीत. काही समजुतींनुसार पानांची विषम किंवा अनियमित रचना घरात नकारात्मक स्पंदने वाढवू शकते.

दिवाळीच्या शुभ दिवसांत घरामध्ये नेहमी समृद्धी आणि सकारात्मकता आणणारी रोपे लावणे अत्यंत कल्याणकारी मानले जाते. नकारात्मक झाडे काढून घरात तुळस, मनी प्लांट, जेड प्लांट, अरेका पाम किंवा केळीचे रोप लावावे. ही झाडे केवळ घरातील हवा शुद्ध करत नाहीत, तर योग्य दिशेला ठेवल्यास माता लक्ष्मीची अखंड कृपा आणि ऐश्वर्य खेचून आणतात.