लक्ष्मीपूजनापूर्वी सोन्याच्या दरात मोठा बदल

gold-price-hike-lakshmi-pujanसणासुदीच्या काळात सोने आणि चांदी खरेदी करण्याकडे नागरिकांचा कल असतो. विशेषतः लक्ष्मीपूजनाच्या दिवशी अनेकजण सोने-चांदी खरेदी करणे शुभ मानतात. मात्र, यंदा लक्ष्मीपूजनापूर्वीच सोन्याच्या दरात वाढ झाल्याने ग्राहकांना जास्त पैसे मोजावे लागणार आहेत. आज सोन्याच्या दरात वाढ नोंदवण्यात आली आहे. एका तोळ्यामागे सोन्याचे दर ११० रुपयांनी वाढले आहेत. त्यामुळे २४ कॅरेटच्या १० ग्रॅम सोन्याचा भाव आता १ लाख ४३ हजार ५७० रुपयांवर पोहोचला आहे.

 

 

सणासुदीच्या काळात सोन्याचे दर वाढल्याने दागिने खरेदी करणाऱ्या ग्राहकांच्या खिशाला चांगलीच झळ बसण्याची शक्यता आहे. दुसरीकडे, चांदीच्या दरात मात्र आज कोणताही बदल झालेला नाही. चांदीचा १०० ग्रॅमचा भाव २० हजार ५०० रुपये इतका कायम आहे. त्यामुळे चांदी खरेदी करणाऱ्या ग्राहकांना आज तरी दरवाढीचा सामना करावा लागणार नाही. लक्ष्मीपूजनाच्या पार्श्वभूमीवर बाजारपेठांमध्ये सोने आणि चांदी खरेदीसाठी ग्राहकांची गर्दी होण्याची शक्यता आहे. एकीकडे सणाचा उत्साह आणि दुसरीकडे वाढते सोन्याचे दर, अशा परिस्थितीत यंदाच्या लक्ष्मीपूजनाला सोने खरेदी करताना ग्राहकांना आपल्या बजेटचा विचार करावा लागणार आहे.

१ ग्रॅम सोन्याचे आजचे दर १४,३५७

८ ग्रॅम सोन्याचे आजचे दर १,१४,८५६

१० ग्रॅम सोन्याचे आजचे दर १,४३,५७०

१०० ग्रॅम सोन्याचे आजचे दर १४,३५,७००