भारतीयांसाठी बांगलादेशची व्हिसा सेवा पुन्हा सुरू

Bangladesh resumes visa services for Indians मुहम्मद युनूस यांच्या निघून गेल्यानंतर बांगलादेश आणि भारत यांच्यातील संबंध सुधारू लागले आहेत. शुक्रवारी बांगलादेशच्या नव्याने स्थापन झालेल्या सरकारने नवी दिल्लीतील त्यांच्या उच्चायुक्तालयात भारतीय नागरिकांसाठी निलंबित केलेली व्हिसा सेवा पुन्हा सुरू करण्याचा मोठा निर्णय घेतला. दोन महिन्यांनंतर ही सेवा पुन्हा सुरु झाली आहे. एका वृत्तानुसार, शुक्रवारी सकाळी व्हिसा सेवा कार्यान्वित करण्यात आल्या. बीएनपी सरकारने बांगलादेशमध्ये पदभार स्वीकारल्यानंतर फक्त तीन दिवसांत हा निर्णय घेण्यात आला असून, रहमान यांच्या नेतृत्वाखाली दोन्ही देशांमधील संबंध सुधारण्याची अपेक्षा व्यक्त केली जात आहे. सूत्रांच्या हवाल्याने सांगितले आहे की, नवी दिल्लीतील बांगलादेश उच्चायुक्तालयाने डिसेंबरमध्ये निलंबित केलेल्या सर्व श्रेणीतील व्हिसा सेवा पुन्हा सुरू केल्या आहेत. तथापि, व्यवसाय आणि कामाच्या व्हिसा यामध्ये ही सेवा अद्याप लागू नाही.

 

 

 

भारतही बांगलादेशी नागरिकांसाठी व्हिसा सेवा पुन्हा सुरू करण्यासाठी पावले उचलत आहे. गुरुवारी, सिल्हेटमधील वरिष्ठ भारतीय वाणिज्य दूतावास अधिकारी अनिरुद्ध दास यांनी दोन्ही देशांमधील सुलभ प्रवासाला पाठिंबा देण्याच्या भारताच्या वचनबद्धतेवर भर दिला. त्यांनी सांगितले की, भारत आणि बांगलादेशमधील संबंध परस्पर आदर आणि सामायिक हितसंबंधांवर आधारित आहेत. दोन्ही देशांच्या नागरिकांना स्थिर आणि रचनात्मक भागीदारीचा फायदा मिळेल.

बांगलादेशमध्ये भारताचे कट्टर टीकाकार शरीफ उस्मान बिन हादी यांच्या हत्येनंतर राजनैतिक तणाव निर्माण झाला होता. यामुळे डिसेंबरमध्ये दोन्ही देशांमधील कॉन्सुलर आणि व्हिसा सेवा निलंबित करण्यात आल्या. नंतर बांगलादेशभर भारताविरुद्ध निदर्शने झाली. चितगावमध्ये निदर्शकांच्या एका गटाने भारतीय सहाय्यक उच्चायुक्तालयासमोर निदर्शने केली आणि मिशनवर दगडफेक केली. या कारणास्तव, चितगावमधील भारतीय व्हिसा अर्ज केंद्राचे कामकाज २१ डिसेंबरपासून पुढील सूचना मिळेपर्यंत स्थगित करण्यात आले.