मला महिला आवडतात... ट्रम्प यांनी शांतता मंडळाच्या बैठकीत असे का म्हटले? VIDEO

गुरुवारी झालेल्या ‘बोर्ड ऑफ पीस’च्या पहिल्या बैठकीत गाझाच्या भवितव्यावर चर्चा होण्याची अपेक्षा असताना वातावरणाला वेगळेच वळण मिळाले. अमेरिकेचे राष्ट्राध्यक्ष डोनाल्ड ट्रंप यांनी पराग्वेचे राष्ट्राध्यक्ष सॅन्टियागो पेना यांचे स्वागत करताना अचानक हलक्याफुलक्या शैलीत वक्तव्य केले. “तरुण आणि देखणे असणे चांगले आहे. पण त्यामुळे आम्ही तुम्हाला आवडायलाच हवे असे नाही. मला तरुण, देखणे पुरुष आवडत नाहीत; मला स्त्रिया आवडतात. trump-at-peace-council-meeting पुरुषांमध्ये मला रस नाही,” असे ते म्हणाले. त्यांच्या या विधानानंतर सभागृहात हशा पिकला आणि गंभीर चर्चेचे वातावरण काही काळ हलकेफुलके झाले. ४७ वर्षीय पेना हे पॅराग्वेच्या लोकशाही काळातील सर्वात तरुण अध्यक्ष आहेत. ते व्यवसायाने अर्थशास्त्रज्ञ होते आणि त्यांनी यापूर्वी देशाचे अर्थमंत्री म्हणून काम पाहिले होते. ऑगस्ट २०२३ मध्ये कोलोरॅडो पक्षाचे उमेदवार म्हणून अध्यक्षपद जिंकल्यानंतर त्यांनी हे पद स्वीकारले.