ब्रिटिश आर्ट्स अवॉर्ड्समध्ये चमकली आलिया

BAFTA Awards 2026 ब्रिटिश अकादमी चित्रपट पुरस्कार २०२६ मध्ये आलिया भट्टने आपली उपस्थिती नोंदवली आणि त्याद्वारे फक्त बॉलीवूडमधील चाहत्यांचेच नव्हे, तर उपस्थित विदेशी प्रेक्षकांचेही लक्ष वेधून घेतले. आलिया भट्टच्या बाफ्टा पुरस्कारांमध्ये पहिल्यांदाच सहभाग घेतल्यामुळे ही घटना विशेष महत्त्वाची ठरली. या जागतिक स्तरावरील चित्रपट महोत्सवात तिने स्टेजवर असताना आपला आकर्षक अंदाज आणि मनमोहक भाषणाने सगळ्यांना मंत्रमुग्ध केले.

 

 

आलिया भट्टची बाफ्टा पुरस्कारांमध्ये एंट्री एक महत्त्वपूर्ण क्षण म्हणून ओळखली गेली. बाफ्टा पुरस्कारांचे रेड कार्पेट तिच्या उपस्थितीने सजले आणि आलियाच्या ड्रेसने चर्चेला अजूनच ऊत आणला. तिच्या आगमनाने सगळीकडे जल्लोष उडाला. मंचावर आल्यानंतर तिने हिंदीत "नमस्कार" अशी सुरुवात केली, त्यानंतर तिने आपल्या भाषणाचा इंग्रजीत अनुवाद केला. या वाखाणलेल्या शैलीमुळे तिचं भाषण आणि तिचा अंदाज उपस्थित प्रेक्षकांच्या हृदयात घर करून गेला.आलियाच्या या प्रेझेंटेशनला सामाजिक माध्यमावर चाहत्यांकडून जबरदस्त प्रतिसाद मिळाला. तिने बाफ्टा पुरस्कारांच्या मंचावर 'बेस्ट नॉन-इंग्लिश फिल्म' हा पुरस्कार जाहीर केला, त्याआधी केलेल्या भाषणाने हॉलिवूडचे ग्लॅमर दाखवले. आलियाने या पुरस्कार जाहीर करतांना एक महत्त्वाचे मुद्दा मांडला. "चित्रपट अनेक आवाजांत बोलत असले तरी आपण सिनेमा या भाषेचा उत्सव साजरा करतो. आणि ही भाषा आपण सगळेच प्रवाहीपणे बोलतो," असं तिने आपल्या भाषणात म्हटलं. तिच्या या वचनात चित्रपटाची सार्वभौम भाषा आणि संस्कृतीची वैशिष्ट्ये उलगडली गेली.

आलिया भट्टच्या भाषणात एक हलकीशी मिश्कीलता देखील होती. तिने पुरस्कार जाहीर करतांना थोडा विराम घेत आणि हास्य करत म्हटले, "आता सबटायटल्स पाहण्याची गरज नाही." तिच्या या वाक्याने हॉलमध्ये हशा पिकला आणि उपस्थितांनी जोरदार टाळ्या वाजवल्या.

आलियाचे बाफ्टा मंचावरचे हे बोलणे आणि तिचा आत्मविश्वास सोशल मीडियावर चांगलाच चर्चेचा विषय बनला आहे. चाहत्यांनी तिच्या सजीव आणि प्रभावी भाषणाचे जोरदार कौतुक केले. आलिया भट्टच्या बॉलीवूड आणि आंतरराष्ट्रीय चित्रपट क्षेत्रातील वाटचालने तिला एक वेगळं स्थान दिलं आहे.यावर्षीच्या बाफ्टा पुरस्कारांमध्ये आलियाच्या भाषणाची चर्चा सुरू असतानाच 'सेंटिमेंटल वेल्यू' या चित्रपटाने 'बेस्ट नॉन-इंग्रिश फिल्म' पुरस्कार पटकावला. नॉर्वेजियन कुटुंबकथेवर आधारित असलेला हा चित्रपट आणि त्याचे इतर प्रमुख नामांकन अर्ज 'इट वाज़ जस्ट एन एक्सीडेंट', 'द सीक्रेट एजंट', 'सिराट', आणि 'दवॉइस ऑफ हिंद रजब' यांसारख्या नामांकित चित्रपटांसोबतच होते.आलियाच्या यशाने एका गोष्टीची पुन्हा पुष्टी केली आहे की भारतीय चित्रपट कलाकारांनाही जागतिक स्तरावर मान्यता मिळू शकते. आलिया भट्टने आपल्या या ऐतिहासिक क्षणाने बॉलीवूडचा ठसा जगभर पाडला आहे आणि तिच्या कामाने भविष्यात आणखी यश मिळवण्याची शक्यता निर्माण केली आहे.