सचिन कुमावत बाहेर : बिग बॉस मराठी ६

Sachin Kumawat elimination, ‘बिग बॉस मराठी’च्या सहाव्या आठवड्याचे रोमांचक परिक्षण नुकतेच संपुष्टात आले, आणि घरातील गायक व ‘खान्देशचा किंग’ म्हणून ओळखला जाणारा सचिन कुमावत हा स्पर्धक एलिमिनेट झाला. रविवारी, घराबाहेर जाणाऱ्या स्पर्धकाचे नाव सूत्रसंचालक रितेश देशमुख यांनी जाहीर केले. हा निर्णय ऐकताना घरातील इतर सदस्यांमध्ये भावनिक वातावरण पाहायला मिळाले, अनेकांनी रडून निराशा व्यक्त केली.

 

 

सहाव्या आठवड्यातील नॉमिनेशनमध्ये सागर, राकेश, दीपाली, रोशन, अनुश्री, रुचिता, सचिन, प्राजक्ता आणि प्रभू या नऊ स्पर्धकांचा समावेश होता. या नऊपैकी सहा जण सुरक्षित राहिले, तर रोशन, रुचिता आणि सचिन हे तिघे डेंजर झोनमध्ये गेले होते. अखेरच्या एलिमिनेशनमध्ये सचिनला घराबाहेर जाणे भाग पडले.सचिन कुमावत हे घराबाहेर जरी गेले असले, तरी त्यांच्या साध्या आणि माणुसकीने भरलेल्या स्वभावामुळे प्रेक्षकांमध्ये त्यांचे वेगळे स्थान निर्माण झाले होते. सोशल मीडियावर चाहत्यांनी सचिनच्या खेळावर चिंता व्यक्त करताना म्हटले की, “सचिन दादा मनाने चांगले आहात, पण असा शो तुमच्यासाठी नाहीये. इथे साधी सरळ माणसं टिकू शकत नाहीत.” काहींनी तर त्याला माणुसकीचे आदर्श मानले.बिग बॉसच्या घरातील खेळ दिवसेंदिवस अधिक कडक होत चालला आहे. स्पर्धक आपले अस्तित्व टिकवण्यासाठी कट-कारस्थान, रणनीती आणि कुरघोडींचा वापर करत आहेत. या गेममध्ये प्रेक्षकांसाठी अनपेक्षित ट्विस्ट आणि इमोशनल क्षण पाहायला मिळतात, जे शोला अधिक आकर्षक बनवत आहेत.सहाव्या आठवड्यातील एलिमिनेशनमुळे घरातील वातावरण गंभीर झाले असून, आता पुढच्या आठवड्यांमध्ये कोण बाजी मारतो, हे पाहणे प्रेक्षकांसाठी आणखी उत्सुकतेचे ठरणार आहे. बिग बॉसच्या खेळात साधेपणा जपणाऱ्या स्पर्धकांची जाण मात्र नेहमीच प्रेक्षकांच्या मनात कायम राहणार आहे.