पुण्यात किरकोळ वादांवर हिंसक हल्ल्यांची वाढ

pune-crime-news : स्वारगेट येथील डायमंड कॅफे समोर रविवारी (दि. २२) एका २५ वर्षीय तरुणावर रागातून मारहाण झाल्याची घटना समोर आली. आरोपीने रस्त्याच्या कडेला असलेल्या पेवर ब्लॉक डोक्यात घालून शिवीगाळ करत मारहाण केली. या प्रकरणी स्वारगेट पोलीस ठाण्यात गुन्हा दाखल करण्यात आला आहे.

 

 

 

 

 

ही घटना केवळ एकटी नाही; शहरात दिवसागणिक अशा किरकोळ वादातून गंभीर मारहाण, खून, रागावरील हिंसेच्या घटनांमध्ये लक्षणीय वाढ झाली आहे. पार्किंग वाद, सोशल मीडियावरील पोस्ट्स किंवा छोट्या गोष्टींमुळे देखील हात उचलण्याची घटना घडते, ज्यामुळे पुणेकरांच्या मनात भीती निर्माण झाली आहे. पालक घरी परतणार्‍या मुलाबाबत चिंतित आहेत.

 

मानसोपचार तत्ज्ञांच्यामते, मानसिक आणि भावनिक तणाव, चुकीची संगती, नकारात्मक वातावरण, सामाजिक चढाओढ, स्वार्थ, डिजिटल प्रभाव यामुळे समाजातील हिंसक प्रवृत्ती वाढते. विशेषत: मुलांमध्ये हिंसक प्रवृत्ती चिंतेची बाब आहे.

 

 

 

तत्ज्ञ म्हणतात की, धकाधकीच्या जीवनात संयमाचा अभाव, स्पर्धेचे युग, वाहतूककोंडी, कायद्याचा अभाव आणि सोशल मीडियावर लक्ष कमी असणे यामुळे हिंसेची मानसिकता वाढते. समाजात वर्तनावर नियंत्रण आणि कायद्याची कडक अंमलबजावणी अत्यंत आवश्यक आहे.