घरातून निघाले 4 कोटी रुपये 'मोठा भ्रष्टाचार उघड'

Odisha Vigilance major operation ओडिशा विजिलन्सने एका सरकारी अधिकाऱ्याकडून मोठ्या प्रमाणावर रोख रक्कम जप्त केली आहे. कटक सर्कल माइन्सचे डेप्युटी डायरेक्टर देबब्रत मोहंती यांना एका दिवसापूर्वी ट्रॅप ऑपरेशनमध्ये पकडलं गेलं, तेव्हा ते लायसन्स असलेल्या कोळसा वेंडरकडून ३० हजार रुपयांची लाच घेत होते. या घटनेनंतर बुधवारी त्यांच्या भुवनेश्वरमधील फ्लॅटवर छापा टाकला गेला, जिथून तब्बल ४ कोटी रुपये जप्त करण्यात आले. ही ओडिशा विजिलन्सच्या इतिहासातील आतापर्यंतची सर्वात मोठी कॅश जप्ती आहे.

 

 

विजिलन्सने मोहंती यांच्याशी संबंधित अनेक ठिकाणी छापेमारी केली. यात पाटियाच्या श्री विहार येथील नेचर्स क्रेस्ट अपार्टमेंटमधील त्यांच्या रेसिडेन्शियल फ्लॅटसह भद्रक जिल्ह्यातील मथासाही येथील वडिलोपार्जित घर आणि कटकमधील कार्यालयीन चेंबर यांचा समावेश होता. छापेमारीदरम्यान फ्लॅटमधील ट्रॉली बॅग आणि कपाटांमध्ये मोठ्या प्रमाणावर रोख रक्कम सापडली, तसेच ऑफिसच्या शेल्फ आणि खासगी सामानातून १.२० लाख रुपये अधिक जप्त केले गेले.

विजिलन्स टीमला Odisha Vigilance major operation  मोहंती यांच्या दुसऱ्या संपत्तीबाबतही माहिती मिळाली आहे. त्यात भुवनेश्वरच्या पेहला येथे २४०० चौरस फुटाची दोन मजली इमारत आणि सुमारे १३० ग्रॅम सोनं यांचा समावेश आहे. सर्च ऑपरेशन अजूनही सुरू असून तपासानंतर आणखी माहिती उघडकीस येणार आहे. अधिकाऱ्यांच्या जवळील ब्लॅक मनी आणि बेकायद संपत्तीचा शोध सुरू असल्याचा अंदाज तपास अधिकाऱ्यांनी वर्तवला आहे.

 

 

ही कारवाई देबब्रत मोहंती यांच्या अटकेनंतर झाली असून, विजिलन्सने भ्रष्टाचारविरोधातील आपले धोरण ठाम ठेवत मोठ्या प्रमाणावर लाचसह रोख जप्त करून प्रकरण सार्वजनिक केले आहे. या ऐतिहासिक कॅश जप्तीमुळे सरकारी अधिकाऱ्यांमधील भ्रष्टाचाराविरुद्धच्या प्रयत्नांना मोठा चालना मिळण्याची शक्यता वर्तवली जात आहे.