‘स्प्लिट्सव्हिला ७’ फेम मयंक पवार यांचे निधन
फिटनेस विश्वात शोककळा
Total Views |
मुंबई
Mayank Pawar death, रिअॅलिटी टीव्ही आणि फिटनेस क्षेत्रातून एक अत्यंत दुःखद बातमी समोर आली आहे. ‘MTV Splitsvilla’च्या सातव्या पर्वातील लोकप्रिय स्पर्धक मयंक पवार यांचे वयाच्या ३७व्या वर्षी निधन झाले आहे. त्यांच्या अकाली जाण्याने चाहत्यांमध्ये, कुटुंबीयांमध्ये आणि फिटनेस क्षेत्रात शोककळा पसरली आहे. त्यांच्या निधनाचे नेमके कारण अद्याप अधिकृतपणे जाहीर करण्यात आलेले नाही.
मयंक यांच्या अधिकृत Instagram हँडलवरून त्यांच्या निधनाची माहिती देण्यात आली. श्रद्धांजलीपर पोस्टमध्ये, “एक भाऊ, एक चॅम्पियन, एक मार्गदर्शक आणि अनेकांसाठी प्रेरणास्थान. मयंक पवार नेहमीच आपल्या हृदयात राहतील,” अशा शब्दांत भावना व्यक्त करण्यात आल्या. ही बातमी समोर येताच सोशल मीडियावर शोकसंदेशांचा पूर आला.‘स्प्लिट्सव्हिला ७’ मधील त्यांच्या साधेपणामुळे आणि दयाळू स्वभावामुळे ते प्रेक्षकांच्या मनात घर करून होते. एका चाहत्याने भावनिक प्रतिक्रिया देताना लिहिले की, “काही दिवसांपूर्वीच मी त्यांचा ‘स्प्लिट्सव्हिला ७’ मधील प्रवास पाहत होतो. इतका दयाळू व्यक्ती मी त्या संपूर्ण सिझनमध्ये पाहिला नव्हता.” त्यांच्या निधनाची बातमी अनेकांना धक्कादायक ठरली आहे.
मयंक पवार यांची ओळख Mayank Pawar death, केवळ रिअॅलिटी शोपुरती मर्यादित नव्हती. फिटनेस क्षेत्रात त्यांनी उल्लेखनीय कामगिरी केली होती. त्यांनी सात वेळा ‘मिस्टर इंडिया’ हा किताब पटकावला होता आणि एकदा एकूण विजेतेपदही मिळवले होते. सेलिब्रिटी फिटनेस ट्रेनर म्हणून त्यांनी अनेकांना प्रशिक्षण देत त्यांच्या आयुष्यात सकारात्मक बदल घडवून आणले. त्यांच्या शिस्तबद्ध जीवनशैलीमुळे आणि दमदार शरीरयष्टीमुळे ते तरुणांसाठी प्रेरणास्थान बनले होते.दरम्यान, त्यांच्या अकस्मात निधनामुळे काहींनी फिटनेस सप्लिमेंट्स आणि अत्यंत कडक व्यायामशैलीबाबत प्रश्न उपस्थित केले आहेत. तथापि, त्यांच्या मृत्यूचे नेमके कारण समोर आलेले नसल्याने कोणत्याही प्रकारचे अंदाज वर्तवणे योग्य नसल्याचे जाणकारांचे मत आहे.मयंक पवार यांच्या स्मरणार्थ बुधवार, २५ फेब्रुवारी २०२६ रोजी सायंकाळी ५ ते ६ या वेळेत वाल्मिकी मंदिर, संगम पार्क, राणा प्रताप बाग येथे शोकसभा आयोजित करण्यात आली आहे. त्यांच्या जाण्याने फिटनेस आणि मनोरंजन क्षेत्रातील एक प्रेरणादायी व्यक्तिमत्व हरपले आहे. त्यांच्या कार्याची आणि स्मितहास्याची आठवण चाहत्यांच्या मनात कायम राहणार आहे.