48 तासांत तिकीट रद्द किंवा नाव बदलल्यानंतर शंभर टक्के रक्कम परत मिळणार!

dgca-rule-for-ticket-cancellation डीजीसीएने लाखो विमानप्रवाशांसाठी मोठा दिलासा दिला आहे. आता, जर तुम्ही एखादे विमानतिकीट बुक केले असेल, तर ४८ तासांच्या आत ते रद्द केल्यास किंवा नाव बदलल्यास तुम्हाला कोणतेही अतिरिक्त शुल्क भरावे लागणार नाही. प्रवाशांच्या हितासाठी अधिक पारदर्शक आणि सुलभ सेवा देण्यासाठी नागरी विमान वाहतूक महासंचालनालयाने (DGCA) हा नियम आणला आहे. तसेच, प्रवाशांच्या तक्रारी आणि विलंबित तिकीट परतफेडीशी संबंधित समस्यांवर उपाय म्हणून हे पाऊल उचलले गेले आहे.

 

 

डीजीसीएच्या नव्याने सुधारित नियमांनुसार, जर तिकीट थेट एअरलाइनच्या वेबसाइटवरून बुक केले असेल तर प्रवाशांना बुकिंगच्या ४८ तासांच्या आत त्यांचे तिकीट रद्द करता येईल, कोणतेही अतिरिक्त शुल्क न आकारता. शिवाय, जर तिकिटावर नावाची चूक असेल आणि प्रवाशाने २४ तासांच्या आत ती दुरुस्त केली तर कोणतेही शुल्क आकारले जाणार नाही. ही सुविधा केवळ ऑनलाइन बुकिंग करणाऱ्या प्रवाशांना लागू होते.