जम्मू-काश्मीरमध्ये जोरदार भूकंपाचा धक्का

jammu-and-kashmir-earthquake रविवारी पहाटे जम्मू आणि काश्मीरमधील दोडा येथे जोरदार भूकंपाचे धक्के जाणवले. या धक्क्यांनी लोकांची झोप उडाली. रिश्टर स्केलवर भूकंपाची तीव्रता ४.२ इतकी होती. या भूकंपामुळे परिसरातील लोकांमध्ये घबराट पसरली आणि अनेक जण घराबाहेर पडले. हवामान खात्याच्या म्हणण्यानुसार, रविवारी रात्री १:२५ वाजता भूकंप झाला. भूकंपाचे केंद्र पृथ्वीच्या पृष्ठभागापासून ५ किलोमीटर खाली ३३.०८ अंश उत्तर अक्षांश आणि ७६.१७ अंश पूर्व रेखांशावर होते.

 

 

यापूर्वी, शुक्रवारी, २७ फेब्रुवारी रोजी पश्चिम बंगालची राजधानी कोलकाता येथे भूकंपाचे धक्के जाणवले. शुक्रवारी दुपारी १:२० वाजता कोलकाता येथे हा भूकंप जाणवला. jammu-and-kashmir-earthquake कोलकातासह राज्यातील विविध जिल्ह्यांमध्येही भूकंपाचे धक्के जाणवले. रिश्टर स्केलवर भूकंपाची तीव्रता ५.४ इतकी होती. भूकंपाचे केंद्र बांगलादेश होते.

शुक्रवार पहाटे पूर्व नेपाळमध्येही जोरदार धक्के जाणवले. भूकंपाची तीव्रता रिश्टर स्केलवर ४.७ इतकी होती. भूकंपाचे केंद्र नेपाळच्या संखुवासभा जिल्ह्यात होते, त्यामुळे जवळपासच्या अनेक जिल्ह्यांमध्ये भूकंपाचे धक्के जाणवले. शुक्रवारी पहाटे ३:१८ वाजता भूकंप झाला. jammu-and-kashmir-earthquake बहुतेक लोक गाढ झोपेत असताना, अचानक आलेल्या भूकंपामुळे त्यांना घराबाहेर पडावे लागले. काठमांडूच्या पूर्वेला सुमारे ४०० किलोमीटर अंतरावर संखुवासभा-तापलेजंग सीमावर्ती भागाजवळील टोपके गोला येथे भूकंपाचे केंद्र होते.