आयसीसीने केली मोठी घोषणा; टीम इंडियावर करोडोंचा वर्षाव, पाकला मिळाले इतके पैसे

team-india-gets-crores-of-rupees-from-icc टी-२० विश्वचषक २०२६ च्या विजेत्याची घोषणा ८ मार्च रोजी करण्यात आली. अहमदाबादमधील नरेंद्र मोदी स्टेडियमवर झालेल्या अंतिम सामन्यात टीम इंडियाने न्यूझीलंडचा ९६ धावांनी पराभव करून सलग दुसऱ्यांदा टी-२० विश्वचषक जिंकण्याचा पराक्रम केला. टीम इंडिया आपला किताब राखणारा पहिला संघ ठरला. शिवाय, टीम इंडिया हा घरच्या मैदानावर किताब जिंकणारा पहिला संघ आहे, जो आतापर्यंत कोणत्याही संघाने साध्य केलेला नाही. टीम इंडियाच्या विजयानंतर, बीसीसीआयने भारतीय खेळाडूंसाठी १३१ कोटी रुपयांची मोठी बक्षीस रक्कम जाहीर केली. आता, आयसीसीनेही बक्षीस रकमेबाबत एक मोठी घोषणा केली आहे.

 

 

खरं तर, आयसीसीने जाहीर केले आहे की २०२६ च्या पुरुष टी२० विश्वचषक स्पर्धेसाठी खेळाडूंमध्ये १ अब्ज रुपयांपेक्षा जास्त रक्कम वाटली जाईल. २०२६ च्या आयसीसी पुरुष टी२० विश्वचषक स्पर्धेच्या यशस्वी समारोपानंतर, आयसीसीने स्पर्धेच्या खेळाडूंच्या बक्षीस रकमेच्या पूलचे वितरण $११.२५ दशलक्ष (अंदाजे ₹१०३.४६ कोटी) केले आहे. आंतरराष्ट्रीय क्रिकेट कौन्सिलच्या (आयसीसी) माहितीनुसार, विजेत्या टीम म्हणून टीम इंडियाला सर्वाधिक $2,639,423 म्हणजे सुमारे २४ कोटी २७ लाख रुपये मिळणार आहेत. दुसऱ्या क्रमांकावर राहिलेल्या न्यूझीलंडला अंदाजे १३ कोटी ८ लाख रुपये ($1,422,692) मिळतील. दक्षिण आफ्रिकाची टीम तिसऱ्या क्रमांकावर असून, त्यांना $1,005,577 म्हणजे सुमारे ९ कोटी २४ लाख रुपये मिळतील. team-india-gets-crores-of-rupees-from-icc सेमीफायनलमध्ये टीम इंडियाला हरवून बाहेर गेलेल्या इंग्लंडला जवळजवळ ९ कोटी रुपये मिळणार आहेत. तर वेस्ट इंडीजच्या खात्यात ४ कोटी ९५ लाख रुपये जमा होतील. पाकिस्तानची टीम सुपर-८ फेरीत पुढे जाऊ शकली नाही. त्यामुळे पाकिस्तान आयसीसीमधील सर्वाधिक पैसे मिळवणाऱ्या टॉप-५ टीममध्ये नाही. पाकिस्तानला फक्त ४ कोटी ८० लाख रुपये मिळाले आहेत. कॅनडा, ओमान आणि नामीबिया या तीन टीम्सला सर्वात कमी रक्कम मिळाली असून, या तीनही टीम्स ग्रुप स्टेजपासून बाहेर पडल्या होत्या.

बक्षीस रकमेचे वितरण (अमेरिकन डॉलर) खालीलप्रमाणे आहे:

भारत - $२,६३९,४२३

न्यूझीलंड - $१,४२२,६९२

दक्षिण आफ्रिका - $१,००५,५७७

इंग्लंड - $९७४,४२३

वेस्ट इंडिज - $५३८,२६९

पाकिस्तान - $५२२,६९२

झिम्बाब्वे - $४९१,५३८

श्रीलंका - $४७५,९६२

अफगाणिस्तान - $३०९,८०८

ऑस्ट्रेलिया - $३०९,८०८

यूएसए - $३०९,८०८

स्कॉटलंड - $२७८,६५४

आयर्लंड - $२७१,७३१

इटली - $२५६,१५४

नेदरलँड - $२५६,१५४

यूएई - $२५६,१५४

नेपाळ - $२५६,१५४

कॅनडा - $225,000

नामिबिया - $225,000

ओमान - $225,000