हैदराबाद–फुकेत फ्लाइटमध्ये अपघात टळला, १३३ प्रवासी सुरक्षित

 

 

Hyderabad-Phuket flight बुधवारी हैदराबादहून थायलंडच्या फुकेतला जाणाऱ्या एअर इंडियाच्या विमानात धक्कादायक अपघात टळला. एअर इंडिया एक्सप्रेसच्या IX938 या फ्लाइटमध्ये लँडिंगच्या वेळी समोरील लँडिंग गियरमध्ये गंभीर तांत्रिक बिघाड झाला. या बिघाडामुळे पायलटला अत्यंत धोकादायक परिस्थितीत विमान उतरणे भाग पडले. जोरदार धडकेमुळे नोज गियर तुटले. विमानात एकूण १३३ प्रवासी होते, मात्र सुदैवाने कोणालाही गंभीर दुखापत झाली नाही. अपघात लक्षात येताच क्रू आणि पायलटांनी ताबडतोब ग्राउंड कंट्रोल रूमला माहिती दिली. विमानतळावर आधीच तैनात आपत्कालीन पथकाने वेळ न गमावता सर्व प्रवाशांना सुरक्षितपणे बाहेर काढले. एअर इंडिया एक्सप्रेसने या घटनेवर अधिकृत प्रतिक्रिया दिली असून, त्यांनी सांगितले की सर्व सुरक्षा प्रोटोकॉलचे काटेकोर पालन करण्यात आले आणि सर्व प्रवासी सुरक्षित आहेत. फुकेत विमानतळ प्रशासनानेही तत्काळ कारवाई केली आणि प्रवाशांना टर्मिनलच्या सुरक्षित भागात हलवले.