अवघ्या दोन सेकंदात दोन कामगारांचा जागीच मृत्यू; भयानक अपघाताचा VIDEO व्हायरल

telangana-workers-die-on-spot तेलंगणातील मंचेरियाल जिल्ह्यातील दांडेपल्ली मंडलात सोमवारी एका हृदयद्रावक अपघातात दोन कामगारांचा जागीच मृत्यू झाला. ही घटना मदारीपेटमधील इंडियन ऑइल पेट्रोल पंपाजवळ घडली. तीन कामगार लोखंडी स्टँड घेऊन रस्ता ओलांडत होते तेव्हा  स्टँडचा वरचा भाग ११ केव्ही वीज तारेच्या संपर्कात आला. यामुळे दोन कामगार गंभीर भाजले आणि जागीच मरण पावले, तर तिसऱ्या कामगाराचा जीव वाचला.

 

 

मृतांचे नाव लक्ष्मीनारायण आणि नागराजू असून, ते वेलनुरू गावातील रहिवासी होते. दोघेही एका सिमेंट व्यापाऱ्याकडे काम करत होते. घटना समजताच पोलीस घटनास्थळी पोहोचले, गुन्हा दाखल केला आणि मृतदेह शवविच्छेदनासाठी लक्ष्टीपेट येथील सरकारी रुग्णालयात पाठवले. telangana-workers-die-on-spot पोलिसांनी सीसीटीव्ही फुटेज तपासले असून अपघाताचा भयानक व्हिडिओ सोशल मीडियावर व्हायरल झाला आहे. या घटनेमुळे परिसरात शोककळा पसरली असून, विजेसारख्या धोक्यापासून सतर्क राहण्याचे महत्त्व पुन्हा एकदा अधोरेखित झाले आहे.