मोठी बातमी! दहावी बोर्ड परीक्षेतील पेपर फुटला नाही... राज्य मंडळाचे स्पष्टिकरण

Maharashtra board exam महाराष्ट्र राज्य माध्यमिक व उच्च माध्यमिक शिक्षण मंडळाच्या (MSBSHSE) दहावीच्या बोर्ड परीक्षा सुरू असताना सोशल मीडियावर गणित आणि विज्ञान विषयांच्या प्रश्नपत्रिका लीक झाल्याच्या चर्चांनी खळबळ उडवली. याबाबत राज्य मंडळाने स्पष्ट केले आहे की, परीक्षा सुरू होण्यापूर्वी कोणतीही प्रश्नपत्रिका लीक झालेली नाही आणि या अफवा पूर्णपणे तथ्यहीन आहेत.

 

 

मंडळाच्या अधिकाऱ्यांच्या माहितीनुसार, दहावीच्या गणित भाग‑१ आणि भाग‑२ या दोन विषयांच्या प्रश्नपत्रिका सोशल मीडिया ग्रुपमध्ये प्रसारित झाल्याचे काही व्हॉट्सअ‍ॅप किंवा टेलिग्राम ग्रुपवर दावा केला जात होता. मात्र प्रत्यक्षात परीक्षा सुरू होण्यापूर्वी कोणतीही अधिकृत प्रश्नपत्रिका प्रसारित झाली नाही. गणित भाग‑२ चे काही दस्तऐवज जे ग्रुपवर दिसले, ती प्रत परीक्षा झाल्यानंतरच उपलब्ध झाली होती, आणि त्यामुळे पेपर लीक झाल्याचा दावा निराधार ठरतो, असे मंडळाने स्पष्ट केले आहे.या पार्श्वभूमीवर पुणे विभागीय मंडळाने शिवाजीनगर पोलिस ठाण्यात तक्रार दाखल केली असून, संबंधित टेलिग्राम समूहाचे ऍडमिन आणि काही सदस्यांवर कायदेशीर कारवाई सुरू आहे. पोलिस तपासादरम्यान असे समोर आले की, काही व्यक्तींनी विद्यार्थ्यांना पेपर देण्याचे संदेश पाठवून पैसे घेण्याचा प्रयत्न केला, परंतु प्रत्यक्षात परीक्षा सुरू होण्यापूर्वी कोणतीही प्रश्नपत्रिका देण्यात आलेली नाही.

राज्य मंडळानुसार, ६ मार्च Maharashtra board exam रोजी गणित भाग‑२ परीक्षा आयोजित केली गेली आणि काही संदेश समाजमाध्यमावर टाकले गेले असले तरी प्रत प्रश्नपत्रिका फक्त त्या दिवशी परीक्षा झाल्यानंतरच उपलब्ध झाली. विज्ञान विषयाच्या प्रश्नपत्रिका संदर्भातही कोणताही पुरावा सध्या मिळालेला नाही. परीक्षा प्रक्रियेतील पारदर्शकतेसाठी मंडळ व पोलिस यांच्यात संयुक्त तपास सुरू असून माहिती तंत्रज्ञान कायद्यांनुसार योग्य ती कारवाई केली जाईल.MSBSHSE च्या अधिकाऱ्यांनी विद्यार्थ्यांना आणि पालकांना विनंती केली आहे की, अशी अफवा सोशल मीडियावर पसरवणे टाळावे आणि परीक्षा प्रक्रियेशी संबंधित अधिकृत अपडेटसाठी फक्त मंडळाच्या अधिकृत पत्रकांचा आधार घ्यावा. पेपर लीक संदर्भात कोणतीही तक्रार असल्यास ती तत्काळ संबंधित विभागाकडे कळवावी, असेही मंडळाने सांगितले आहे.ही घटना परीक्षेच्या काळात विद्यार्थ्यांमध्ये गैरसमज निर्माण होऊ नये यासाठी आणि परीक्षा प्रक्रियेवर विश्वास ठेवता यावा यासाठी मंडळाने वेळेत स्पष्टीकरण देऊन अफवांवर कटाक्ष दाखवला आहे.