यो यो हनी सिंगच्या कॉन्सर्टमध्ये गोंधळ

Honey Singh concert प्रसिद्ध गायक आणि रॅपर यो यो हनी सिंग यांनी शनिवारी, १४ मार्च रोजी इंदिरा गांधी इनडोअर स्टेडियममध्ये आपल्या 'माय चॅप्टर – इंडिया टूर'च्या सुरुवात केली. या कॉन्सर्टमध्ये सादर केलेल्या गाण्यांनी प्रेक्षकांना मंत्रमुग्ध केले. ‘देसी कलाकार’, ‘ब्लू आयज’, ‘सनी सनी’, ‘लुंगी डान्स’, ‘मिलियनेअर’, ‘डोप शॉप’, ‘ब्राऊन रंग’ यांसारख्या हिट गाण्यांवर चाहत्यांनी धम्माल केली. परंतु, कार्यक्रमाच्या दरम्यान प्रायोजक टीममधील सदस्य आणि काही उपस्थितांमध्ये झालेल्या वादामुळे गोंधळाचे वातावरण निर्माण झाले.

 

 

सोशल मीडियावर व्हायरल झालेल्या एका व्हिडिओमध्ये हनी सिंगच्या कॉन्सर्टमध्ये प्रायोजक टीममधील सदस्य आणि काही लोक एकमेकांना मारहाण करताना दिसत आहेत. व्हिडिओत असं दिसत आहे की, गर्दीत गोंधळ निर्माण झाल्याने हनी सिंगला या भांडणाची कल्पनाही नाही असे वाटत होते. त्यानंतरही, गायकाने आपला परफॉर्मन्स सुरूच ठेवला, आणि प्रेक्षकांना निराश केल्याशिवाय शो पुढे चालवला.

दिल्ली पोलिसांनी त्वरित Honey Singh concert  हस्तक्षेप करत परिस्थितीवर नियंत्रण मिळवले. सुरक्षा कर्मचाऱ्यांनी देखील गोंधळ वाढू न देता शांतता साधली. यानंतर, यो यो हनी सिंगने आपल्या 'माय चॅप्टर – इंडिया टूर'च्या दुसऱ्या ठिकाणी सादरीकरण करण्यासाठी विविध शहरांची तयारी केली आहे. २१ मार्च रोजी अहमदाबाद, २८ मार्च रोजी मुंबई, ४ एप्रिल रोजी पुणे, ११ एप्रिल रोजी कोटा, २५ एप्रिल रोजी इंदूर, २ मे रोजी लखनौ आणि ९ मे रोजी कोलकात्यात हनी सिंगच्या या टूरचे पुढील शो होणार आहेत. त्यानंतर १६ मे रोजी बंगळुरूमध्ये या टूरचा समारोप होईल.हनी सिंगच्या कॉन्सर्टमधील वाद आणि त्याच्या वक्तव्यांमुळे त्याला अजून एक अडचण भासली आहे. याच वर्षाच्या सुरुवातीला त्याने दिल्लीतील एक कॉन्सर्टमध्ये थंडीच्या हवामानावर अश्लील टिप्पणी केली होती. त्याच्या या वादग्रस्त वक्तव्यामुळे त्याला चांगलाच विरोध मिळाला होता, आणि नंतर त्याने इन्स्टाग्रामवर एक व्हिडिओ शेअर करून माफी मागितली होती.हनी सिंगच्या या टूरला उत्सुकता असली तरी, त्याच्या वादग्रस्त वक्तव्य आणि सध्या घडलेल्या गोंधळामुळे त्याच्या इमेजवर परिणाम होण्याची शक्यता आहे.