व्हेंटिलेटरवर ब्रेन-डेड पती, आई होण्याची पत्नीची इच्छा; न्यायालयाने दिला मोठा निकाल

kerala-high-court-news केरळ उच्च न्यायालयाने एका संवेदनशील प्रकरणात अंतरिम आदेश देत मेंदूमृत घोषित झालेल्या पतीचे शुक्राणू काढून ते जतन करण्यास परवानगी दिली आहे. या निर्णयामुळे संबंधित महिलेला भविष्यात मातृत्वाचा मार्ग खुला होण्याची शक्यता निर्माण झाली आहे.

 

 

न्यायमूर्ती एम. बी. स्नेहलथा यांच्या खंडपीठासमोर या प्रकरणाची सुनावणी झाली. कोझिकोड येथील रुग्णालयात उपचार घेत असलेल्या रुग्णाचे शुक्राणू काढून ते मान्यताप्राप्त सहाय्यक प्रजनन केंद्रामार्फत सुरक्षित ठेवण्याचे निर्देश न्यायालयाने दिले आहेत. यामध्ये वापरण्यात येणाऱ्या तंत्रामध्ये जैविक नमुने अतिशय कमी तापमानात जतन केले जातात, ज्यामुळे ते दीर्घकाळ सुरक्षित राहू शकतात. kerala-high-court-news या प्रक्रियेमुळे पुढील काळात वैद्यकीय सहाय्याने गर्भधारणा शक्य होऊ शकते. तथापि, न्यायालयाने या आदेशासोबत स्पष्ट अट घातली आहे. शुक्राणू काढून त्यांचे जतन करण्यापुरतीच परवानगी देण्यात आली असून, पुढील कोणतीही प्रजनन प्रक्रिया न्यायालयाच्या पूर्वपरवानगीशिवाय करता येणार नाही, असे स्पष्ट करण्यात आले आहे.

या प्रकरणात पत्नीने न्यायालयात धाव घेतली होती. तिच्या पतीला काही दिवसांपूर्वी गंभीर आजार झाला होता, त्यानंतर मेंदूतील रक्तवाहिन्यांमध्ये गाठी निर्माण झाल्याने त्यांची प्रकृती अधिकच खालावली. सध्या तो केवळ जीवनरक्षक यंत्रणांच्या आधारावर आहे. पत्नीने सांगितले की, पतीची सध्याची स्थिती पाहता त्यांची संमती मिळवणे शक्य नाही. kerala-high-court-news जर या प्रक्रियेत विलंब झाला, तर भविष्यात आई होण्याची संधी कायमची गमावली जाऊ शकते. हे सर्व लक्षात घेऊन न्यायालयाने तिला तात्पुरता दिलासा दिला. या प्रकरणाची पुढील सुनावणी एप्रिल महिन्यात होणार असून, त्यानंतर पुढील निर्णय घेतला जाणार आहे.