'विचार करतोय की इराणच्या उरलेल्या भागाचा नाश करावा...' ट्रंपचे धक्कादायक वक्तव्य

Iran US War : इराणसोबत सुरू असलेल्या युद्धाच्या पार्श्वभूमीवर, अमेरिकेचे अध्यक्ष डोनाल्ड ट्रम्प यांनी एक धक्कादायक विधान केले आहे. ट्रम्प म्हणाले, "मी विचार करतोय की, जर आपण दहशतवादी इराणी राज्याचे उरलेले अवशेष 'नष्ट' केले आणि त्या तथाकथित 'सामुद्रधुनीची' जबाबदारी तिचा वापर करणाऱ्या देशांवर सोपवली (ज्यांचा वापर आपण करत नाही), तर काय होईल. यामुळे आपल्या काही असंवेदनशील 'मित्रराष्ट्रांना' अधिक सक्रिय होण्यास भाग पडेल!!!"

 

 

 

 

 

 

ट्रम्प पुढे म्हणाले, "लक्षात ठेवा, जे मूर्ख इथे बसले आहेत त्यांच्या माहितीसाठी - इराणला प्रत्येकजण जगातील पहिल्या क्रमांकाचा राज्य-पुरस्कृत दहशतवादी मानतो." आम्ही त्यांना झपाट्याने धंद्याबाहेर काढत आहोत!"

 

 

 

 

युद्धात इराणचे सर्व प्रमुख नेते मारले गेल्यानंतर ट्रम्प यांनी हे वक्तव्य केले आहे. गेल्या २४ तासांत, इराणच्या लष्कराचे नेतृत्व करणारे सुरक्षा प्रमुख अली लारीजानी आणि इराणचे गुप्तचर मंत्री इस्माईल खतीब हे दोन प्रमुख लष्करी नेते इस्रायली हल्ल्यांमध्ये मारले गेले आहेत. यामुळे अमेरिकेला बळ मिळाले आहे. ट्रम्प यांच्या वक्तव्यातून इराणवर मोठ्या हल्ल्याचे संकेत मिळत आहेत, ज्यामध्ये इराणच्या नेतृत्वाला पूर्णपणे संपवणे किंवा इराणविरुद्ध सामरिक शस्त्रांचा वापर करणे यांचा समावेश असू शकतो.