तरुण भारताचा शताब्दीपूर्ती सोहळा थाटात

मुख्यमंत्री देवेंद्र फडणवीस म्हणाले की, जीवनात वाचलेलं पहिले वृत्तपत्र म्हणजे ‘तरुण भारत’ आहे. एखादी सामाजिक चळवळ 100 वर्षांचा टप्पा गाठते, तेव्हा तिच्या मागील वैचारिक अधिष्ठानच त्या यशाचे खरे कारण असते. ‘तरुण भारत’ने आजवर हेच अधिष्ठान सातत्याने जपले आहे.मुख्यमंत्री देवेंद्र फडणवीस म्हणाले की, विचारांचे जतन, संवर्धन आणि ते समाजापर्यंत परखडपणे पोहोचविण्याचे महत्त्वपूर्ण कार्य या दैनिकाने सातत्याने केले आहे. ज्या ध्येयाने ‘तरुण भारत’ कार्यरत आहे, त्या उद्देशाची पूर्तता या दैनिकाने प्रभावीपणे साध्य केली आहे.पुणे येथूनही ‘तरुण भारत’ची आवृत्ती सुरू झाली असून, तेथेही या दैनिकाला निश्चितच उत्तम प्रतिसाद मिळेल, असा विश्वास त्यांनी व्यक्त केला.