अबू धाबीतील बीएपीएस हिंदू मंदिर पर्यटकांसाठी बंद

BAPS Hindu Temple closed इराणी हल्ल्यांमुळे पंतप्रधान मोदींच्या उद्घाटनानंतर उभारलेल्या बीएपीएस हिंदू मंदिराला ९ मार्चपर्यंत पर्यटकांसाठी बंद ठेवण्यात आले आहे. मंदिराने दिलेल्या निवेदनात म्हटले आहे की सध्याच्या परिस्थिती आणि राष्ट्रीय सुरक्षेच्या दृष्टीने हा खबरदारीचा उपाय आहे. या काळात मंदिरात सर्वांच्या शांती, सुरक्षितता आणि कल्याणासाठी प्रार्थना सुरू राहतील. इराण आणि अमेरिका यांच्यातील तणावामुळे अबू धाबी आणि दुबई विमानतळांवर हल्ले झाले आहेत. खामेनी यांच्या मृत्युनंतर इराणी क्रांतिकारी रक्षक आखाती देशांमध्ये अमेरिकेच्या लष्करी तळांना लक्ष्य करत आहेत. हल्ल्यांमुळे काही अरब देशांनी आपले हवाई क्षेत्र बंद केले आहे. युएई आणि सौदी अरेबियासह अरब देशांनी इराणी हल्ल्यांचा प्रत्युत्तर देण्याचे वचन दिले आहे.

 

 

संयुक्त अरब अमिरातीच्या माहितीनुसार इराणी हल्ल्यात ५८ जण जखमी झाले असून त्यात एका भारतीय नागरिकाचा समावेश आहे. अबू धाबीमधील भारतीय दूतावास जखमींच्या उपचाराशी संपर्कात असल्याचे सांगितले. युएईच्या संरक्षण मंत्रालयाने सांगितले की सुरुवातीपासून त्यांच्या सैन्याने १६५ बॅलिस्टिक क्षेपणास्त्रे, दोन क्रूझ क्षेपणास्त्रे आणि ५४१ ड्रोन हल्ल्यांचा सामना केला आहे. अबू धाबीमधील बीएपीएस हिंदू मंदिर २७ एकर जमिनीवर बांधले आहे. २०१८ मध्ये पंतप्रधान मोदींच्या यूएई भेटीदरम्यान या मंदिराच्या बांधकामाची घोषणा झाली होती. मंदिराचे उद्घाटन १४ फेब्रुवारी २०२४ रोजी पंतप्रधान नरेंद्र मोदींनी केले होते.