दिल्लीतील चार शाळा व अॅक्सिस बँकेला बॉम्ब ठेवण्याची धमकी
शोध मोहीम सुरु
Total Views |
नवी दिल्ली,
bomb threats सोमवारी सकाळी वेगवेगळ्या भागातील चार शाळा आणि एका बँकेला बॉम्ब ठेवण्याची धमकी मिळाल्याने राजधानीत घबराट पसरली. पोलिस आणि सुरक्षा यंत्रणांनी घटनास्थळी धाव घेतली आणि सर्व ठिकाणी शोध मोहीम सुरू केली.
सकाळी ८:०० ते ९:३० दरम्यान, दिल्ली कॅन्टमधील आर्मी पब्लिक स्कूल, मयूर विहारमधील सलवान पब्लिक स्कूल, जनकपुरीमधील मीरा पब्लिक स्कूल, बल्लीमारनमधील राबिया गर्ल्स स्कूल आणि बारामखंबा रोडवरील स्टेट्समन हाऊसमधील अॅक्सिस बँकेला धमकीचे संदेश मिळाले.
धमक्यांनंतर, खबरदारी म्हणून शाळेचा परिसर रिकामा करण्यात आला. विद्यार्थी आणि कर्मचाऱ्यांना सुरक्षित ठिकाणी पाठवण्यात आले, तर बॉम्ब पथक आणि श्वान पथकांनी कसून शोध मोहीम सुरू केली. बँकेच्या परिसराचीही कसून तपासणी केली जात आहे.
पोलिस अधिकाऱ्यांच्या मते, आतापर्यंत कोणतीही संशयास्पद वस्तू सापडलेली नाही. तथापि, सुरक्षेच्या कारणास्तव सर्व ठिकाणी शोध मोहीम सुरू आहे. धमकीचे स्रोत शोधण्यासाठी प्राथमिक तपास सुरू आहे. मेसेज पाठवणाऱ्याची ओळख पटविण्यासाठी सायबर सुरक्षा पथक सक्रिय करण्यात आले आहे. पोलिस सध्या लोकांना अफवांकडे दुर्लक्ष करून अधिकृत माहितीची वाट पाहण्याचे आवाहन करत आहेत.