उत्तरवाढोणा येथे रिलायन्सचा बायोगॅस प्रकल्प

नेर तालुक्यातील उत्तरवाढोणा येथे रिलायन्स इंडस्ट्रिजच्या माध्यमातून सुमारे 300 कोटी रुपयांचा कॉम्प्रेस्ड बायोगॅस (सीबीजी) प्रकल्प उभारण्यात येणार आहे. या प्रकल्पामुळे जिल्हा गॅस निर्मितीत आत्मनिर्भर होण्याच्या दिशेने वाटचाल करणार असून शेतकèयांनाही मोठा फायदा होणार आहे. या महत्त्वाकांक्षी प्रकल्पासाठी पालकमंत्री संजय राठोड यांनी पुढाकार घेतला असून त्यांनी या प्रकल्पाचा आढावा घेतला. या Biogas project प्रकल्प संदर्भात त्यांनी जिल्हाधिकारी कार्यालयात शुक्रवारी आढावा बैठक घेऊन प्रकल्पाला गती देण्याचे निर्देश दिले. यावेळी निवासी उपजिल्हाधिकारी अनिरुद्ध बक्षी, उपमुख्य कार्यकारी अधिकारी संतोष धोत्रे, गटविकास अधिकारी, सरपंच तसेच रिलायन्स कंपनीचे अधिकारी उपस्थित होते.

 

 

या बैठकीत शासन व प्रशासनाची भूमिका सकारात्मक असून प्रकल्पासाठी आवश्यक असलेला वीज व पाणी पुरवठा तसेच इतर पायाभूत सुविधा उपलब्ध करून देण्यासाठी सहकार्य करण्यात येईल. तसेच ग्रामसभा आयोजित करून स्थानिक ग्रामस्थांना प्रकल्पाची सविस्तर माहिती देऊन त्यांच्या शंकांचे निरसन करावे, तसेच स्थानिकांना विश्वासात घेऊन समन्वयाने काम करण्याचे निर्देश पालकमंत्री राठोड यांनी दिले. सध्याच्या जागतिक परिस्थितीत इराण व इस्त्राईल यांच्यासह आखाती देशांमधील तणावामुळे इंधन टंचाई व दरवाढीचे संकट निर्माण होत आहे. अशा पार्श्वभूमीवर कॉम्प्रेस्ड बायोगॅस प्रकल्प हा यवतमाळ जिल्ह्यात पर्यावरणपूरक, शेतकèयांचे उत्पन्न वाढवणारा आणि इंधन आत्मनिर्भरतेला चालना देणारा महत्त्वाचा प्रकल्प ठरणार आहे.

या Biogas project  प्रकल्पामुळे जिल्ह्यातच बायोगॅस निर्मिती होणार असून बाहेरील इंधनावरचे अवलंबित्व कमी होण्यास मदत होईल.

शेतीतील कचरा (पेंढा, शेण, ऊसाचा कचरा इ.) वापरून गॅस निर्मिती केली जाणार असल्याने शेतीतील कचèयाला चांगला दर मिळेल.

प्रकल्पामुळे सुमारे 200 थेट तर सुमारे 1500 अप्रत्यक्ष रोजगार निर्माण होणार आहेत.

पर्यावरणपूरक प्रकल्प :

कचèयाचा पुनर्वापर करून इंधन निर्मिती होणार असल्याने प्रदूषण कमी होण्यास मदत होईल.

वीज, पाणी व इतर आवश्यक सुविधा उपलब्ध करून देण्यासाठी शासन-प्रशासन सहकार्य करण्यात येईल.