राष्ट्रीय महामार्गांवरील टोल पास महागला

FASTag pass increase राष्ट्रीय महामार्ग प्राधिकरणाने (NHAI) १ एप्रिल २०२६ पासून वार्षिक फास्टॅग टोल पासच्या किंमतीत वाढ करण्याचा निर्णय घेतला आहे. सध्या ३००० रुपये असलेल्या या वार्षिक पासचे नवीन दर ३०७५ रुपये ठरवण्यात आले आहेत, ज्याचा थेट परिणाम देशभरातील लाखो वाहनचालकांवर होणार आहे. हा पास मुख्यत्वे खाजगी वाहनांसाठी आहे आणि त्यासाठी वाहनाच्या फास्टॅग खात्याशी सक्रिय फास्टॅग लिंक असणे आवश्यक आहे.

 

 

वार्षिक फास्टॅग पास ही सुविधा राष्ट्रीय महामार्गांवर नियमित प्रवास करणाऱ्या वाहनचालकांसाठी सोयीची मानली जाते. या पासमुळे एका वर्षात किंवा २०० टोल प्लाझा ओलांडण्यापर्यंत टोल भरण्यासाठी अतिरिक्त थांबा टाळता येतो. त्यामुळे प्रत्येक टोल प्लाझावर थांबून स्वतंत्रपणे टोल भरण्याची गरज नाही, ज्यामुळे प्रवाशांना वेळेची बचत होते आणि प्रवास अधिक सुरळीत होतो.

NHAI च्या नवीन निर्देशानुसार FASTag pass increase २०२६–२७ आर्थिक वर्षासाठी लागू होणाऱ्या या वाढीमुळे काही वाहनचालकांनी नाराजी व्यक्त केली आहे. नियमित प्रवाशांना आता थोडा अतिरिक्त खर्च सहन करावा लागणार आहे. प्रशासनाने सर्व टोल प्लाझा आणि संबंधित अधिकाऱ्यांना नवीन दर लागू करण्याचे आणि प्रवाशांना योग्य माहिती देण्याचे आदेश दिले आहेत.वार्षिक पासच्या दरात वाढीचा निर्णय दरवर्षी टोल दरांचा आढावा घेतल्यानंतर घेतला जातो. यातून NHAI ला महामार्गांची देखभाल आणि सुविधा सुधारण्यास मदत होते, तसेच डिजिटल टोल संकलनाचे उद्दिष्ट पुढे नेले जाते. नवीन दर लागू झाल्यानंतर, वार्षिक पास घेणाऱ्या वाहनचालकांनी आपले फास्टॅग खाते अद्ययावत ठेवणे आवश्यक आहे. पास नूतनीकरणासाठी १ एप्रिलपूर्वी किंवा नंतर NHAI किंवा‘राजमार्ग यात्रा’ अ‍ॅप किंवा अधिकृत वेबसाइटवरून प्रक्रिया पूर्ण करावी लागेल. पासची वैधता एक वर्ष किंवा २०० टोल पारगमनांपर्यंत राहते, त्यामुळे प्रवाशांनी आपल्या प्रवासाच्या गरजेनुसार निर्णय घेणे आवश्यक आहे.

नवीन वाढीनंतरही, अनेक नियमित प्रवासी आणि वाहनेलाही ही सुविधा किफायतशीर ठरू शकते, परंतु कमी टोल ओलांडणाऱ्या प्रवाशांसाठी स्वतंत्र टोल भरण्याची पद्धत अधिक फायदेशीर ठरू शकते. पुढील काळात या वाढीचा वाहतुकीच्या खर्चावर काय परिणाम होतो, हे नागरिक आणि वाहतूक वापरकर्ते ठरवतील.