भाजपाकडून केरळसाठी ११ आणि आसामसाठी २ उमेदवार जाहीर

BJP candidates for Kerala-Assam भारतीय जनता पार्टीने केरळ आणि आसाममधील आगामी विधानसभा निवडणुकांसाठी उमेदवारांची नवी यादी जाहीर केली असून, या घोषणेमुळे राजकीय वातावरण तापले आहे. पक्षाने केरळमधील ११ तर आसाममधील २ जागांसाठी उमेदवारांची नावे जाहीर केली आहेत. केरळमध्ये विविध मतदारसंघांमधून उमेदवारांची निवड करताना पक्षाने स्थानिक समीकरणे आणि सामाजिक घटकांचा विचार केल्याचे दिसून येते. या यादीत पेरुमेड, मावेलिक्कारा, पुथुपल्ली, अडूर, चिरायंकीझू, तिरुअनंतपुरम, चावरा, चदयामंगलम, अरुविकारा, नेयत्तींकारा आणि कोवलम या मतदारसंघांचा समावेश आहे. प्रत्येक ठिकाणी अनुभवी तसेच नवीन चेहऱ्यांना संधी देण्यात आली आहे.

 

 

 

या यादीत पेरुमेड मतदारसंघातून व्ही. रथेश, मावेलिक्कारा अनुसूचित जाती मतदारसंघातून अजिमोन, पुथुपल्लीमधून रवींद्रनाथ वकथनम, अडूरमधून पंडलम प्रतापन, चिरायंकीझूमधून बी.एस. अनूप, तिरुअनंतपुरममधून व्ही.एस. अनूप, करमना जयन, चावरामधून के.आर. राजेश, चदयामंगलममधून अरुण राज, अरुविक्करामधून विवेक गोपन, नेयत्तींकारामधून एस. राजशेखरन नायर आणि कोवलममधून टी.एन. सुरेश यांना उमेदवारी देण्यात आली आहे.

 

 

दुसरीकडे, आसाममध्येही पक्षाने दोन उमेदवारांची घोषणा केली असून दालगाव मतदारसंघातून कृष्णा साहा आणि सिसीबरगावमधून जीवन गोगोई यांना संधी देण्यात आली आहे. या दोन्ही नावांना केंद्रीय निवडणूक समितीची मंजुरी मिळाल्याचे सांगण्यात आले आहे. या निवडणुकांच्या पार्श्वभूमीवर केरळ आणि आसाममध्ये एकाच दिवशी मतदान होणार आहे. ९ एप्रिल २०२६ रोजी मतदान प्रक्रिया पार पडणार असून, ४ मे रोजी निकाल जाहीर केले जाणार आहेत. या उमेदवारांच्या घोषणेमुळे दोन्ही राज्यांतील निवडणूक लढत अधिकच चुरशीची होण्याची चिन्हे दिसत आहेत. या यादीमुळे भाजपाने आगामी निवडणुकांसाठी जोरदार तयारी सुरू केल्याचे स्पष्ट होत असून, पुढील काळात प्रचाराला आणखी वेग येण्याची शक्यता आहे.