८४०० वेबसाइट्स आणि ॲप्सवर बंदी

websites blocked केंद्र सरकारने अवैध ऑनलाइन जुगार आणि सट्टेबाजीविरुद्ध मोठी कारवाई केली असून ८४०० पेक्षा जास्त वेबसाइट्स आणि ॲप्स ब्लॉक करण्यात आले आहेत. यापैकी ३०० ॲप्स आणि वेबसाइट्सवर अलीकडेच बंदी घालण्यात आली आहे. या कारवाईत ऑनलाइन सट्टेबाजी, ऑनलाइन कॅसिनो गेम्स, स्लॉट, रूलेट आणि लाइव्ह डीलर टेबल्सची सुविधा देणाऱ्या प्लॅटफॉर्मचा समावेश आहे.

 

 

सरकारी माहितीनुसार, ८४०० वेबसाइट्स आणि ॲप्समध्ये ४९०० प्लॅटफॉर्म्स ऑनलाइन गेमिंग कायदा लागू झाल्यानंतर बंद करण्यात आले आहेत. हा कायदा २२ ऑगस्ट २०२५ रोजी संसदेत पारित झाला होता आणि त्याचा उद्देश युवांमध्ये ऑनलाइन गेमिंगमुळे होणाऱ्या websites blocked दुष्परिणामांपासून संरक्षण करणे आणि त्यांच्या कुटुंबाचे हित साधणे आहे.यापूर्वी जानेवारी महिन्यात देखील सरकारने २४२ वेबसाइट्सवर कारवाई केली होती. यावेळी कारवाईचा विस्तार सट्टेबाजी एक्सचेंज, रिअल-मनी कार्ड गेम्स, मटका जुगार नेटवर्क आणि इतर ऑनलाइन कॅसिनो प्लॅटफॉर्म्सवरदेखील करण्यात आला. या प्लॅटफॉर्म्स जुगार बाजारांसारखे कार्य करतात आणि त्यामुळे त्यांच्या विरुद्ध कठोर पावले उचलण्यात आली आहेत.सरकारने ही कारवाई केल्याने ऑनलाइन सट्टेबाजीच्या प्रचंड वाढत्या धोका कमी करण्यास मदत होईल, असे तज्ज्ञांचे मत आहे.