संतापजनक...पत्नीशी वादानंतर वडिलांकडून अल्पवयीन मुलीवर बलात्कार

father-rapes-minor-girl मध्य प्रदेशातील खरगोन जिल्ह्यात एका निष्पाप मुलीवर बलात्कार झाल्याची घटना उघडकीस आली आहे. पत्नीसोबत झालेल्या भांडणानंतर वडिलांनी आपल्या १२ वर्षांच्या मुलीवर बलात्कार केला. पीडित मुलगी आपल्या आईसोबत तक्रार दाखल करण्यासाठी पोलीस ठाण्यात गेली. घटनेपासून आरोपी फरार आहे. पोलिसांनी गुन्हा दाखल करून त्याचा शोध सुरू केला आहे.

 

 

ही घटना चैनपूर पोलीस ठाण्याच्या हद्दीत घडली. अल्पवयीन मुलीवर बलात्कार केल्याप्रकरणी वडिलांविरुद्ध गुन्हा दाखल करण्यात आला आहे. पोलिसांच्या माहितीनुसार, १२ वर्षांच्या मुलीने आणि तिच्या आईने बलात्काराचा गुन्हा दाखल केला आहे. वडिलांविरुद्ध बलात्कार आणि पॉक्सो कायद्यांतर्गत गुन्हा दाखल करण्यात आला आहे. father-rapes-minor-girl आरोपीच्या शोधासाठी पोलिसांचे एक पथक पाठवण्यात आले आहे. पीडितेच्या तक्रारीनुसार, तिचे आई-वडील आठवडाभरापूर्वी कामावरून परतले होते. १७ मार्च रोजी आरोपी त्याच्या सासरच्या घरी होता आणि त्याचे पत्नीसोबत भांडण झाले. भांडणानंतर तो आपल्या दोन मुली आणि मुलासह गावाकडे निघाला. गावात पोहोचण्यापूर्वी त्याने मुलांना एका धान्याच्या कोठारात झोपवले आणि तो तिथेच राहिला.

आरोपीने तिन्ही मुलांना तिथेच झोपायला सांगितले, पण मुलीला तिच्या आईसोबत झोपण्याची सवय असल्याने ती झोपू शकली नाही. दरम्यान, आरोपीने तिच्यावर बलात्कार केला आणि दुसऱ्या दिवशी निघून गेला. father-rapes-minor-girl या घटनेनंतर पीडितेने तिच्या आईला सर्व हकीकत सांगितली. त्यानंतर पत्नीने तिच्या पतीचा शोध घेतला. जेव्हा आरोपी घरी परत आला, तेव्हा तिने त्याला जाब विचारला, त्यानंतर त्याने तिला जीवे मारण्याची धमकी दिली आणि तो घटनास्थळावरून पळून गेला. शनिवारी, आईने पीडितेला पोलीस ठाण्यात नेले आणि गुन्हा दाखल केला.