हरीश राणाचा भावनिक शेवट!

Harish Rana's emotional end गाझियाबादचे रहिवासी असलेले ३१ वर्षीय हरीश राणा यांचे तब्बल १३ वर्षे कोमात राहिल्यानंतर निधन झाले. त्यांच्या पार्थिवावर नवी दिल्लीतील ग्रीन पार्क स्मशानभूमीत भावनिक वातावरणात अंत्यसंस्कार करण्यात आले. हरीश राणा २०१३ मध्ये चंदीगड येथे शिक्षण घेत असताना वसतिगृहाच्या चौथ्या मजल्यावरून पडले होते. या अपघातात त्यांच्या डोक्याला गंभीर दुखापत झाली आणि त्यानंतर ते कोमात गेले. त्यानंतर ते १३ वर्षे अंथरुणावरच होते आणि त्यांची प्रकृती सतत खालावत गेली.

 

 

 

या अपघातामुळे त्यांच्या मणक्याला मोठी इजा झाली होती, ज्यामुळे त्यांची हालचाल थांबली. या स्थितीत रुग्णाला चालणे, हालचाल करणे किंवा दैनंदिन कामे करणे शक्य नसते. दीर्घकाळ अंथरुणावर राहिल्यामुळे त्यांच्या शरीरावर जखमा निर्माण झाल्या होत्या. या प्रकरणात सर्वोच्च न्यायालयाने ११ मार्च रोजी महत्त्वपूर्ण निर्णय देत इच्छामरणास परवानगी दिली होती. भारतात अशा प्रकारचा निर्णय मिळालेल्या पहिल्या प्रकरणांपैकी हे एक मानले जाते. या निर्णयानंतर त्यांच्या कुटुंबीयांनीही या कठीण परिस्थितीला सामोरे जात अखेर त्यांना निरोप दिला.