आरसीबीच्या नव्या चेअरमनच्या एन्ट्रीने क्रिकेट विश्वात खळबळ

rcb-new-chairman : आयपीएल २०२६ सुरू होण्यापूर्वी, गतविजेत्या रॉयल चॅलेंजर्स बंगळूर (आरसीबी) संघाला नवीन मालक मिळाला आहे. आदित्य बिर्ला ग्रुपच्या नेतृत्वाखालील एका संघाने ही फ्रँचायझी १.७८ अब्ज डॉलर्स म्हणजेच १६,७०० कोटी रुपयांपेक्षा जास्त किमतीला विकत घेतली आहे. २००८ मध्ये जेव्हा आयपीएल सुरू झाली, तेव्हा विजय मल्ल्यानी आरसीबीला अंदाजे ४५४ कोटी रुपयांना विकत घेतले होते. १९ वर्षांत, या फ्रँचायझीच्या मूल्यांकनात १४९५% वाढ झाली आहे. आता आर्यमन बिर्ला आरसीबीचे अध्यक्ष असतील. बिर्ला स्वतः एक माजी क्रिकेटपटू असून, त्यांनी प्रथम-श्रेणी क्रिकेट खेळले आहे. ते आयपीएलचाही एक भाग राहिले आहेत.

 

 

 

 

 

 

आर्यमन बिर्ला हे भारतातील प्रसिद्ध उद्योगपती बिर्ला कुटुंबातील आहेत. ते आदित्य बिर्ला ग्रुपचे अध्यक्ष कुमार मंगलम बिर्ला यांचे पुत्र आहेत. आर्यमन बिर्ला यांना लहानपणापासूनच क्रिकेट खेळायला आवडते. त्याने मध्य प्रदेशसाठी देशांतर्गत क्रिकेट खेळले आहे. त्याने २०१७ मध्ये रणजी ट्रॉफीमध्ये पदार्पण केले. त्याने २०१८ मध्ये प्रथम-श्रेणी क्रिकेटमध्ये शतक झळकावले. हे शतक त्याने ईडन गार्डन्सवर बंगालविरुद्ध केले. त्या सामन्यात त्याने १०३ धावांची नाबाद खेळी केली. त्याने नऊ प्रथम-श्रेणी सामने खेळले असून २७.६० च्या सरासरीने ४१४ धावा केल्या आहेत.

 

 

विशेष म्हणजे, आर्यमन बिर्ला आरसीबीचा कर्णधार रजत पाटीदारसोबत खेळला आहे. त्याने मध्य प्रदेशसाठी आपल्या प्रथम-श्रेणी आणि लिस्ट ए सामन्यांमध्ये रजत पाटीदारसोबत सलामी दिली. आर्यमन आयपीएलमध्ये राजस्थान रॉयल्स संघाचाही भाग होता. आरआरने त्याला २०१८ च्या आयपीएल लिलावात ३० लाख रुपयांच्या मूळ किमतीत विकत घेतले होते. तथापि, त्याला आयपीएलमध्ये पदार्पण करण्याची संधी कधीच मिळाली नाही. आयपीएल २०२० पूर्वी राजस्थान रॉयल्सने बिरला यांना संघातून मुक्त केले. त्यानंतर, मानसिक आरोग्याच्या समस्यांमुळे बिरला यांनी क्रिकेटमधून माघार घेतली.

 

 

क्रिकेटमधून ब्रेक घेतल्यानंतर, आर्यमन यांनी कॉर्पोरेट क्षेत्रात प्रवेश केला. त्यांनी हळूहळू आदित्य बिरला ग्रुपमध्ये नेतृत्वाची पदे मिळवली. त्यांनी हार्वर्ड बिझनेस स्कूलमधून एमबीए (ऑनर्स), बेज बिझनेस स्कूलमधून ग्लोबल फायनान्समध्ये पदव्युत्तर पदवी आणि मुंबई विद्यापीठातून वाणिज्य शाखेची पदवी मिळवली आहे. ते आता आदित्य बिरला ग्रुपसोबत ई-कॉमर्स, रिटेल आणि स्टार्टअप क्षेत्रांमध्ये सक्रियपणे कार्यरत असून आपली भूमिका उत्कृष्टपणे पार पाडत आहेत.