मी आणि मोदी कामे मार्गी लावतो!

Trump's statement about Modi इराण, इस्रायल आणि अमेरिकेतील युद्धाच्या पार्श्वभूमीवर अमेरिकेचे राष्ट्राध्यक्ष डोनाल्ड ट्रम्प यांनी पंतप्रधान नरेंद्र मोदी यांच्यावर विश्वास दाखवला आहे. ट्रम्प म्हणाले, पंतप्रधान मोदी आणि मी अशी दोन माणसे आहोत जी कामे मार्गी लावतात. भारतातील अमेरिकी दूतावासाने अधिकृत सोशल मीडिया हँडलवर हा संदेश दिला. ट्रम्प यांनी आपल्या वक्तव्यात भारतासोबतचे संबंध अधिक दृढ होण्याचे सांगितले आणि पंतप्रधान मोदी यांच्याशी आपले मैत्रीपूर्ण संवाद अधोरेखित केले.

 

 

 

हा संवाद पंतप्रधान मोदी यांच्याशी झालेल्या दूरध्वनी संभाषणानंतर घडला. संभाषणादरम्यान मध्य-पूर्वेतील परिस्थिती, स्थिरतेची आवश्यकता आणि होर्मुझच्या सामुद्रधुनी सुरक्षित ठेवण्यावर चर्चा झाली.पंतप्रधान मोदी यांनी ट्विट करून सांगितले की, भारत तणाव कमी करण्यास आणि शांतता प्रस्थापित करण्यास पाठिंबा देतो. त्यांनी सर्वांसाठी होर्मुझ सामुद्रधुनी खुली आणि सुरक्षित ठेवण्याचे महत्त्व अधोरेखित केले. भारत या संघर्षात थेट सहभागी नसले तरी, तणाव कमी करण्यासाठी आणि प्रादेशिक शांतता राखण्यासाठी त्याची भूमिका महत्त्वाची ठरू शकते. ट्रम्प यांचे वक्तव्य मध्य-पूर्वेतील युद्धामुळे जागतिक व्यापार आणि तेल पुरवठ्यावर होणाऱ्या परिणामांच्या पार्श्वभूमीवर आले आहे.