पुणे विद्यापीठाचा अर्थसंकल्प सादर

Pune University सावित्रीबाई फुले पुणे विद्यापीठाने २०२६–२७ या आर्थिक वर्षासाठी एकूण ६१९ कोटी रुपये महसूल आणि ६२४ कोटी रुपयांचा खर्च असलेला अर्थसंकल्प सादर केला आहे. विद्यापीठ कल्याणकारी आणि इतर विविध उपक्रमांसाठी ७८ कोटी रुपयांचा तरतूद ठेवण्यात आला असून, अंदाजे ८३ कोटी रुपयांची तूट दिसून येत आहे. हा अर्थसंकल्प प्राचार्य नितीन घोरपडे यांनी व्यवस्थापन परिषदेसमोर सादर केला.

 

 

अर्थसंकल्पातून स्पष्ट झाले की गेल्या काही वर्षांपासून तुटीचा कल कायम आहे आणि यंदाही हा ट्रेंड बदललेला नाही. वेतन व निवृत्तीवेतन खर्च, प्रशासकीय खर्चातील वाढ, तसेच विविध विकास योजनांवरील खर्चामुळे आर्थिक ताण वाढल्याचे दिसते. राज्य शासनाकडून मिळणाऱ्या अनुदानात अपेक्षित वाढ न झाल्यामुळे उत्पन्न मर्यादित राहिले आहे.विद्यापीठाने यंदाच्या अर्थसंकल्पात संशोधन आणि नवोपक्रमावर विशेष भर दिला आहे. युनिव्हर्सिटी डिपार्टमेंट रिसर्च फंड (UDRF)साठी १ कोटी ५० लाख रुपये, संशोधन संवर्धन योजनेसाठी Pune University  २ कोटी रुपये, प्रोफेसर ऑफ प्रॅक्टिससाठी ५२ लाख आणि आंतरराष्ट्रीय अतिथी प्राध्यापक योजनेसाठी ५० लाख रुपये राखीव ठेवण्यात आले आहेत. पायाभूत सुविधा सुधारण्यासाठी आयटी व स्मार्ट कॅम्पस प्रकल्पासाठी १ कोटी, विभागांचे आधुनिकीकरणासाठी १५ कोटी, तसेच सीसीटीव्ही सुरक्षा व्यवस्थेसाठी १० कोटी रुपये नियोजित आहेत.विद्यार्थी कल्याणासाठी सुरक्षा विमा, कौशल्य विकास, सांस्कृतिक व क्रीडा उपक्रम तसेच समर्थ भारत अभियानासाठी निधी राखीव केला आहे. शिष्यवृत्तींसाठी देखील विविध योजना सादर करण्यात आल्या आहेत. यामध्ये लोकशाहीर आण्णाभाऊ साठे अर्थसाह्य योजना, महात्मा जोतिराव फुले अर्थसहाय्य योजना, राजर्षी छत्रपती शाहू महाराज अर्थसहाय्य योजना, स्वामी विवेकानंद अर्थसाह्य योजना, क्रांतीज्योती सावित्रीबाई फुले अर्थसाह्य योजना व छत्रपती शिवाजी महाराज अर्थसाह्य योजना यांचा समावेश आहे.

 

 

अर्थसंकल्पाच्या Pune University  सादरीकरणावेळी विद्यापीठाच्या कुलसचिव चारुशीला गायके यांनी सांगितले, “अर्थसंकल्पामध्ये प्रथमच निधी आधारित पद्धतीचा वापर करण्यात आला आहे. यामुळे अंदाजे ८३ कोटी रुपयांची तूट असूनही आर्थिक संतुलन राखण्याचा प्रयत्न केला गेला आहे.”

विद्यापीठाने यंदाच्या अर्थसंकल्पात संशोधन व गुणवत्तेसाठी विशेष तरतूद केली आहे. गुणवत्ता सुधार कार्यक्रमासाठी १३ कोटी रुपये, संशोधन योजना व शैक्षणिक संशोधन समन्वय योजनेसाठी अनुक्रमे ७ कोटी आणि २५ लाख रुपये तसेच शिक्षक व शिक्षकतरसाठी प्रकाशनासाठी ५ लाख रुपये राखीव ठेवण्यात आले आहेत. राष्ट्रीय व आंतरराष्ट्रीय परिषद प्रवास खर्चासाठी २० लाख रुपये नियोजित केले आहेत.संपूर्ण अर्थसंकल्प पाहता, सावित्रीबाई फुले पुणे विद्यापीठाने या वर्षी तुलनेने कमी तुटीसह संशोधन, नवोपक्रम, पायाभूत सुविधा आणि विद्यार्थीकेंद्रित विकासावर भर दिला आहे, ज्यामुळे विद्यापीठाचे आर्थिक व्यवस्थापन आणि शैक्षणिक दर्जा सुधारण्याचा प्रयत्न दिसून येतो.