माजी टेनिसपटू लिएंडर पेस भाजपामध्ये दाखल

Leander Paes joins BJP प्रसिद्ध माजी टेनिसपटू लिएंडर पेस यांनी भारतीय जनता पार्टीतप्रवेश केला. त्यांनी केंद्रीय मंत्री किरेन रिजिजू आणि सुकांत मजुमदार यांच्या उपस्थितीत शपथ घेतली. सदर प्रसंगापूर्वी लिएंडर पेस पश्चिम बंगाल दौऱ्यावर असताना भाजपा अध्यक्ष नितीन नवीन यांची भेट घेतली होती. या भेटीत सौमिक भट्टाचार्यही उपस्थित होते. लिएंडर पेस यापूर्वी विविध खेळाडूंनी भाजपामध्ये प्रवेश केला आहे. काही खेळाडूंनी निवडणुका लढवल्या, काही केंद्रीय किंवा राज्यस्तरीय मंत्री झाले, तर काही राज्यसभेचे खासदार झाले आहेत.

दरम्यान लिएंडर पेस यांचा भाजपामध्ये प्रवेश पश्चिम बंगाल विधानसभा निवडणुकीत पक्षाला फायदा देऊ शकतो. कोलकाताशी संबंधित असलेले लिएंडर पेस मोठ्या प्रमाणात मतदारांना आकर्षित करू शकतात, विशेषतः उच्च-मध्यमवर्गीय आणि शहरी मतपेढीवर त्यांचा प्रभाव राहील. तसेच, तरुण व क्रीडा चाहत्यांमध्ये पक्षाचे आकर्षण वाढेल. या बदलामुळे भाजपाला मतांच्या टक्केवारीत वृद्धी होण्याची शक्यता आहे.

 

माजी क्रिकेटपटू रवींद्र जडेजा २०२४ मध्ये भाजपामध्ये दाखल झाले; नेमबाजीपटू राजवर्धन सिंह राठोड २००४ मध्ये पक्षात आले आणि ते माजी केंद्रीय मंत्री राहिले. बॅडमिंटनपटू सायना नेहवाल २०२० पासून भाजपाच्या सदस्य आहेत. याशिवाय बबिता फोगट, कीर्ती आझाद, चेतन चौहान, केदार जाधव, एस. श्रीशांत, कल्याण चौबे, अरिंदम भट्टाचार्य आणि विजेंदर सिंग यांनाही भाजपामध्ये सामील केले गेले आहे.