युद्धाचा फटका : दुबईहून भारतीय प्रवासी सुरक्षित मुंबईत परतले

Israel Iran conflict इस्रायल आणि अमेरिकेच्या हल्ल्यांमुळे इराणमध्ये सुरु झालेल्या संघर्षामुळे मध्यपूर्वेत युद्धाची गंभीर परिस्थिती निर्माण झाली आहे. इराणने दुबईवरही जोरदार हल्ला केला असून बॉम्बस्फोट आणि क्षेपणास्त्र हल्ल्यांमुळे स्थानिक नागरिकांसह हजारो भारतीय प्रवासी अडकले आहेत. अशा परिस्थितीत, दुबईहून भारताकडे जाणाऱ्या पहिल्या विमानाने प्रवाशांना सुरक्षित मुंबईत आणले आहे.

 

 

इराण-इस्रायल संघर्षामुळे मध्यपूर्वेतील विमान सेवा ठप्प पडली होती. दुबईसह अनेक आखाती देशांनी आपले एअरस्पेस बंद केले, तसेच विमानतळांवर मोठी गर्दी झाली. हजारो भारतीय पर्यटक या संघर्षामुळे अडकले होते. परराष्ट्र मंत्रालय आणि स्थानिक भारतीय दूतावासांच्या प्रयत्नांमुळे हे प्रवासी सुरक्षितपणे परत आणले जात आहेत.काल रात्री सुमारे दोन वाजता दुबईहून छत्रपती शिवाजी महाराज आंतरराष्ट्रीय विमानतळावर एक विमान सुरक्षितपणे पोहोचले. प्रवासी अजय यांनी आपल्या अनुभवाचे वर्णन करत सांगितले, “आम्ही मुंबईहून हैदराबाद आणि तेथून दुबईला पोहोचलो होतो. आमची पुढील फ्लाइट अमेरिकेसाठी होती. विमानाने उड्डाण घेतले नाही तेव्हा सुरुवातीला तांत्रिक अडचण असल्याचे सांगण्यात आले. नंतर कळाले की युद्धामुळे सध्या उड्डाण करता येणार नाही.”

 

 

त्यांनी पुढे सांगितले, Israel Iran conflict “विमानतळावर मोठी धावपळ उडाली, बसेस आणि गाड्यांनी आम्हाला हॉटेलपर्यंत नेले. मात्र संपूर्ण रात्र हॉटेल शोधण्यात गेली. दरम्यान बॉम्बस्फोटांचे आवाज ऐकले आणि बुर्ज खलिफा परिसरात धुराचे लोटही पाहिले. हॉटेलमधून बाहेर पडण्यास मनाई होती; जेवण न करता फक्त खोलीतच राहावे लागले.”संबंधित प्रवाशाने असेही सांगितले की, हॉटेलमध्ये जागा न मिळाल्यामुळे अनेकजण इतरत्र राहायला लावले गेले. “सध्या परिस्थिती थोडी नियंत्रणात येत आहे. मुंबईकडे येणाऱ्या फ्लाइटची माहिती मिळताच आम्ही एमिरेट्सकडे विनंती केली आणि वाहनाची व्यवस्था करून आम्ही आमची फ्लाइट पकडली,” असे त्यांनी स्पष्ट केले.या घटनांनी मध्यपूर्वेत भारतीयांसाठी तयार झालेल्या संकटाची गंभीरता पुन्हा उजागर केली आहे. परराष्ट्र मंत्रालय आणि भारतीय दूतावासांची सतत प्रयत्नशीलता आणि सुरक्षित परतावा यामुळे प्रवाशांचा जीव सुरक्षित ठेवला गेला आहे.