शेतकरी कर्जमाफीवर फडणवीसांचा मोठा निर्णय; कर्जमाफी योजना जाहीर

गेल्या काही दिवसांपासून शेतकऱ्यांच्या कर्जमाफीचा मुद्दा चांगलाच तापला होता. विरोधकांकडून शेतकऱ्यांना कर्जमाफी मिळावी अशी मागणी जोर धरत होती. या मागणीसाठी नागपुरात प्रहारचे नेते बच्चू कडू यांच्या नेतृत्वाखाली शेतकऱ्यांनी मोठे आंदोलन देखील केले होते. त्यावेळी सरकारकडून शेतकऱ्यांना कर्जमाफी देण्याचे आश्वासन दिले गेले होते. याबरोबरच, आगामी दोन वर्षांमध्ये महाराष्ट्रात ‘नैसर्गिक शेती अभियान’ सुरू करण्यात येणार आहे. यासोबत महिला गोपालक आणि शेळीपालकांसाठीही विशेष योजना राबविण्यात येणार असून, यामुळे शेतकऱ्यांना काही प्रमाणात दिलासा मिळण्याची शक्यता आहे.