न्यायाधीशाच्या पत्नीचा चालत्या ट्रेनमधील टॉयलेटमध्ये मृत्यू

Ratlam train inciden रतलाम जिल्ह्यात एक धक्कादायक घटना घडली आहे, जिथे चालत्या ट्रेनमध्ये एका न्यायाधीशाच्या पत्नीचा मृत्यू झाला. ही घटना कांचीगुडा-भगतच्या कोठी एक्सप्रेस मध्ये घडली असून, प्रवासादरम्यान अचानक महिलेची तब्येत बिघडली. प्राथमिक माहितीनुसार, हृदयविकाराचा झटका आल्याने त्यांचा मृत्यू झाला.

 

 

राजस्थानच्या निंबाहेडा येथील अतिरिक्त जिल्हा व सत्र न्यायालयाचे न्यायाधीश राजकुमार चौहान पत्नी उषा चौहान यांच्यासह जोधपूरहून निंबाहेडा येथे परतत होते. दोघांची जागा ट्रेनमध्ये वेगवेगळ्या डब्यांमध्ये होती, त्यामुळे प्रवासादरम्यान त्यांचा संपर्क फक्त फोनवरून झाला. निंबाहेडा स्टेशनला पोहचण्यापूर्वी उषा चौहान यांनी पतीला फोन करून सांगितले की त्या वॉशरूमला जात आहेत; मात्र हा संवाद अखेरचा ठरला.ट्रेन निंबाहेडा स्टेशनवर थांबली तेव्हा न्यायाधीश राजकुमार चौहान पत्नीची वाट पाहू लागले. काही मिनिटांनीही उषा दिसली नाही, त्यामुळे त्यांनी प्रवाशांशी आणि रेल्वे कर्मचाऱ्यांशी विचारपूस केली, तरी काही माहिती मिळाली नाही. तातडीने जजांनी रेल्वे पोलिसांना सूचना दिली.

पोलिसांनी महिलेचे Ratlam train inciden मोबाईल लोकेशन ट्रेस केले आणि हे लोकेशन ट्रेनमध्येच असल्याचे आढळले. त्यानंतर ट्रेन जावरा स्टेशनवर थांबवून पोलिसांनी तपास सुरू केला. आरक्षित डब्याचे टॉयलेट बंद असल्याचे दिसल्यावर दरवाजा तोडण्यात आला, तेव्हा उषा चौहान बेशुद्ध अवस्थेत सापडल्या. त्यांना तातडीने रुग्णालयात नेण्यात आले; परंतु डॉक्टरांनी त्यांना मृत घोषित केले. प्राथमिक अंदाजानुसार, मृत्यू हार्ट अटॅकमुळे झाला आहे.रेल्वे पोलीस आणि स्थानिक प्रशासन यांच्याकडून सध्या या घटनेची चौकशी सुरू आहे. या घटनेने प्रवाशांमध्ये गंभीर संभ्रम निर्माण केला असून, न्यायाधीश कुटुंबासाठी हा अत्यंत दु:खद प्रसंग आहे.