UPSC CSE 2025 अंतिम निकाल: अनुज अग्निहोत्री अव्वल, 180 उमेदवार IAS बनणार

upsc-cse-2025-final-result UPSC नागरी सेवा परीक्षा २०२५ चा अंतिम निकाल जाहीर झाला असून, अनुज अग्निहोत्रीने पहिला क्रमांक मिळवला आहे. त्यानंतर राजेश्वरी सुवे एम आणि आकांश धुल यांनी अव्वल तीन स्थान पटकावले. भारतीय प्रशासकीय सेवेत १८० विद्यार्थ्यांची निवड झाली आहे. अनुज, राजेश्वरी आणि आकांश याशिवाय टॉप १० मध्ये स्थान मिळवणाऱ्यांमध्ये राघव झुनझुनवाला, ईशान भटनागर, झिनीया अरोरा, ए.आर. राजा मोहद्दीन, पक्ष सचिव, आस्था जैन आणि उज्ज्वल प्रियंक यांचा समावेश आहे.

 

 

नागरी सेवा प्राथमिक परीक्षा गेल्या वर्षी २५ मे रोजी घेण्यात आली होती, तर मुख्य परीक्षा २२ ऑगस्ट ते ३१ ऑगस्ट २०२५ या कालावधीत झाली. अंतिम टप्पा म्हणजे व्यक्तिमत्व चाचणी किंवा मुलाखत २७ फेब्रुवारी २०२६ रोजी संपली. upsc-cse-2025-final-result मुख्य परीक्षेनंतर २,७३६ विद्यार्थ्यांना मुलाखतीसाठी बोलावण्यात आले होते, आणि मुलाखती ५ जानेवारीपासून सुरू होऊन २७ फेब्रुवारीपर्यंत चालल्या. निकाल जाहीर झाल्यानंतर १५ दिवसांच्या आत UPSC वेबसाइटवर गुण अपलोड केले जातील.

केंद्रीय लोकसेवा आयोगाच्या माहितीनुसार, एकूण ९५८ पदांवर भरती झाली आहे. यातील १८० जण भारतीय प्रशासकीय सेवेत, ५५ जण भारतीय परराष्ट्र सेवेत आणि १५० जण भारतीय पोलिस सेवेत सामील होतील. upsc-cse-2025-final-result १८० आयएएस पदांपैकी ७४ अनारक्षित, २८ अनुसूचित जातींसाठी, १३ अनुसूचित जमातींसाठी, ४७ ओबीसींसाठी आणि १८ ईडब्ल्यूएस श्रेणीसाठी राखीव आहेत.